План за исхрана за подобрување на дигестивната рамнотежа на организмот од Александра Пренџова, нутриционист и технолог по исхрана

Планот на исхрана Balans+ е наменет за подобрување на работата на дигестивниот тракт и цревната микрофлора, здраво намалување на вишокот килограми, како и постигнување на севкупен Balans во телото преку прочистување и детоксикација со храна во циклус од 28 дена. Препорачано е да ја применуваат здрави лица, а доколку постои одреден здравствен проблем најдобро е да се направи претходна консултација со лекар.

Со примена на овој план, потребно е да се придржувате кон следниве правила и насоки:

1. Задолжително пиеме доволно течности во текот на денот - мин 3л. Тоа може да е вода, билни чаеви или вода со лимон. Вода со оброкот и непосредно пред и по него, избегнувајте да пиете. Со пиење вода ја разредуваме киселината која ја вари храната во желудникот и го отежнуваме процесот на дигестија.

2. Кафе пиеме без шеќер, може во текот на целиот ден, но не повеќе од 3 кафиња на ден. Избегнувајте пиење на кафе доцна навечер.

3. Вечерата да заврши најдоцна до 20-21 часот, односно да има минимум два часа помеѓу вечерата и легнувањето, како не би го оптеретиле дигестивниот систем навечер.

4. Храната да се соџвака убаво, полека и без брзање со цел да се ослободат ензимите кои се потребни да ја сварат. Со јадењето полека до мозокот стигаат навремена информација дека сме сити, со што се избегнува прекумерно јадење и прејадување.

5. Храната се јаде свежа, готвена на пареа, динстана (готвена во вода и масло во сад поклопен со капак, печена во рерна, на плотна, во тефлонски сад, во алуминиумска фолија). Да се избегнува подгревање и долго готвење на храната. Пржење во длабоко масло на високи температури исто така не се препорачува.

6. Физичка активност е 20% од секоја исхрана и е добра за стимулација на мускулното ткиво, со што овозможуваме подобро искористување на храната и подобро топење на масните наслаги. Освен тоа, физичката активност го потпомага целиот систем да работи добро, стимулира чувство на олеснување и среќа. Физичката активност не треба да е непосредно по земањето на оброк, со цел да не се оптеретува телото. Вежбајте минимум два часа по некој оброк. Ова не важи за ужинката.

7. Денот најдобро е да го започнеме со една голема шолја gака вода и по извесно време може да се појадува. Кафето се препорачува да не се пие на празен стомак, бидејки ја намалува активноста на дигестивниот тракт, дава лажно чувство на ситост и го успорува метаболизмот. Еден ден е предвиден да има 3 главни оброци и една ужинка која може да се зема помеѓу појадокот и ручекот или помеѓу ручекот и вечерата.

Следете нè внимателно, од утре почнуваме со 28-дневното мени, кое ќе може да го најдете ТУКА.

Автор: Александра Пренџова 
Дипл. нутриционист и технолог по исхрана