Гордон Ремзи открива: Што никогаш не треба да нарачате во ресторан?

Веројатно мали се шансите никогаш да не сте чуле за еден од најдобрите готвачи во светот, Гордон Ремзи.

Во исчекување на почетокот на новата сезона на познатото кулинарското шоу, Гордон Ремзи одговара на неколку интересни прашања.

Што навистина се случува „зад сцената“ на вашите омилени места за јадење и на што треба да внимавате при изборот на храна во ресторан.

1. Кој е правилниот протокол доколку добиете лош оброк!?

Клиентот е крал. Доколку ви се случи при некоја специјална пригода да имате лошо искуство со храната, споделете го тоа со персоналот, така што тие би можеле да се подобрат при следна прилика. Исто така доколку сте задоволни од храната, не бидете срамежливи и споделете комплименти со персоналот.

2. Прашајте го келнерот за препорака: секогаш или никогаш?

Тоа зависи од рестораните, но постои тенденција персоналот да ги знае вкусовите и составот на поголемиот дел од менито.

3. Дали менијата за денот на вљубените се стапица?

Денот на вљубените е најлошиот ден за да излезете на вечера. Преполните ресторани оптоварени со премногу нарачки нема да можат да одговорат на вашите барања. Што е подобро од оброк кој ќе го подготвите за вашиот партнер во комбинација со добро вино!?

4. Дали е табу да се нарача средно печен стек?

Проблемот со препекувањето на месото е желбата да се долови вкусот и текстурата. Затоа најдобро е да се држите до препораките на готвачот.

М. С. | Црнобело