Храна која треба да ја избегувате во лето – предизвикува да се потите повеќе

Секогаш кога телото се обидува да свари тешка храна, потењето се зголемува. Но, исто така и колку повеќе пиете - толку повеќе ќе се потите. Каков тип на храна и пијалаци треба да избегнувате ако не сакате повеќе да се потите?

Доколку забележите дека се потите повеќе од вообичаено, високите температури можеби не се единствениот причинител за тоа.

Некои од намирниците кои сите ги консумираме предизвикуваат и зголемено потење поради нивното термогено дејство (кога таквата храна се разградува во телото, дел од нив се ослободува како топлина). 

Тоа не значи дека не треба воопшто да ја јадете, но може да бидете поумерени или да ја избегнувате во деновите кога не ви е потребно дополнително потење.

Погледнете за каков тип на храна станува збор:

Солена храна

Кога јадете храна богата со натриум, вашето тело е принудено да се ослободи од вишокот сол преку потта.

Затоа солената храна е на врвот на листата на намирници кои треба да се избегнуваат за време на жештините. 

Ова вклучува солени грицки како што се чипс или соленки, но и многу конзервирана храна (особено конзервирана риба и зеленчук), сосови итн.

Преработена храна

На преработената храна обично ѝ недостасуваат влакна и ензими потребни за правилно варење. 

Оваа храна содржи и големи количества масти, што го отежнува варењето. 

И секојпат кога телото се обидува да свари тешка храна, потењето се зголемува.

Токму затоа избегнувајте брза храна, масни печива (како што се пити или кроасани) и замрзната преработена храна.

Пијалаци кои содржат кофеин

Кофеинот влијае на централниот нервен систем и ги зголемува отчукувањата на срцето и крвниот притисок. Со самото тоа телото се подготвува да реагира на опасност и ги буди потните жлезди.

Топлото кафе или чај исто така ја зголемуваат температурата на вашето тело, предизвикувајќи уште повеќе да се потите.

Затоа е подобро да бидете умерени со консумирање пијалаци кои содржат кофеин во текот на еден ден. 

Алкохолни пијалаци

Алкохолот исто така го зголемува пулсот и температурата на телото, па потењето се зголемува. 

Исто така, колку повеќе пиете, толку повеќе ќе се потите (дури и ако се работи за коктел или минерална вода со мраз).

Зачинета храна

Ефектот на горење кој го прави лутата храна буквално го залажува вашиот централен нервен систем, терајќи го телото да го започне механизмот за ладење.

Слатки

Храната со висока содржина на шеќери и јаглехидрати предизвикува значаен термички ефект бидејќи на телото му е доста тешко да ги разгради. 

Покрај тоа, слатката храна предизвикува остри скокови на шеќерот во крвта, што предизвикува и зголемено потење.

Храна што содржи многу протеини

Протеинската храна има и високо термогено дејство.

Покрај тоа, кога јадеме многу протеини, уреата се произведува како нуспроизвод на варењето, па телото се ослободува од неа преку потта. 

Месото и рибата се храна со високо количество на протеини.

С. Ш. | Црнобело / фото: pexels.com