Празничен десерт: Божиќни кифлички со чоколадо и лешници
Полека почнува да се чувствува претпразничната еуфорија, а ова е период кога се прават и вкусни божиќни колачиња. Наместо вообичаените ванилици со мармалад, годинава можете да направите малку поинакви кифлички.
Овие колачиња се подготвуваат со брашно од спелта, а совршено одат со кафе или чај и можете да ги јадете веднаш штом ќе излезат од рерна.
Потребни состојки за околу 40 кифлички:
- 260 g брашно од спелта;
- 20 g какао во прав;
- 70 g шеќер;
- 100 g мелени лешници;
- 150 g кокосово масло;
- 60 g нутела крем.
За декорација: - 2 лажици шеќер во прав;
- 1 лажица какао во прав.
Начин на подготовка:
- Во длабок сад се мешаат брашното, какаото во прав, шеќерот и мелените лешници.
- Се додава кокосово масло и нутела крем и се меси мазно тесто.
- Од готовото тесто се прави ролат со дијаметар од околу 3 до 4 cm. Ролатот се витка во проѕирна фолија и се остава во ладилник околу еден час.
- Рерната се пушта да се загрее на 180 степени Целзисуови.
- Од ролатот се сечат кругови со дебелина од околу 1 cm, а се обликуваат во форма на полумесечини и се распоредуваат на плех за печење обложен со хартија за печење.
- Кифличките се печат околу 12 до 15 минути на температура од 180 степени.
- Во меѓувреме во помал сад се мешаат шеќер во прав и какао за декорација.
- Кифличките се вадат од рерната и се оставаат да се оладат околу 2 до 3 минути, а потоа се валкаат во мешавината од какао и шеќер во прав.
Божиќните кифлички се популарни и на Инстаграм:
https://www.instagram.com/p/CWoIlCxM5vh/?utm_source=ig_web_copy_link
Б. С. Б. | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за крофни со шеќер како на плажа
Има ли некој што не ги сака крофните со шеќер што се продаваат на плажа? Вкусни,...
Рецепти за 2 редени чоколадни торти што не се печат
Редена чоко-торта од бисквити и чоколаден прелив или торта со бела чоколада бана...
Нова верзија на рецептот на баба: Омилените божиќни гурабии со ванила и ореви
Се сеќавате на вкусните колачиња што буквално ви се топат во уста? Меки и полнет...
Рецепт за сочна штрудла со јаболка и цимет
Јаболка, цимет и путер - совршена есенска комбинација на која нема да можете да ...
Рецепти за 3 брзи ролати за новогодишната трпеза
Чоко ролат со крем банани, или ролат со кокос... Изберете некои од нашите предло...
Препорачуваме
Најчитани неделава
