Брза, кремаста паста со пилешко и сушени домати
Во деновите кога немате премногу време да заглавувате со часови во кујната, а сепак сакате да каснете нешто топло и хранливо, ви го препорачуваме следниот одличен рецепт.
Вкусна комбинација од тестенини, пилешко месо со печурки и сушени домати кои му даваат неодолив шмек на јадењето.
Потребни состојки:
- 1 лажица масло (може и од теглата со сушени домати)
- 450 g исечкани пилешки гради
- Сол и бибер по вкус
- 2 чешниња сечкан лук
- 220 g свежи, исечкани печурки
- 1 лажица брашно
- ½ шолја бело вино
- 1 шолја пилешки бујон
- 1 тегличка сушени домати во масло, исцедени од маслото и ситно исечкани
- ½ шолја павлака за готвење
- 230 g тестенини, зготвени според упатството на ќесичката
- Рендан пармезан и сечкан магдонос (по желба)
Начин на подготовка:
- Загрејте малку масло во подлабоко тавче на средна температура. Ставете го пилешкото на коцки, зачинете со сол и бибер и гответе додека не порумени.
- Додадете го сечканиот лук и печурките. Продолжете со готвење додека печурките не омекнат.
- Ставете 1 лажица брашно распоредувајќи ја рамномерно во тавчето и добро измешајте. Истурете го белото вино и оставете да се готви додека виното целосно не испари.
- Ставете го пилешкиот бујон во тавчето. Потоа додадете ги сечканите сушени домати.
- Оставете сосот да зоврие, а потоа намалете ја температурата на готвење и оставете да се готви уште 4-5 минути, без капак.
- На крајот додадете ја павлаката, промешајте и оставете да врие уште неколку минути додека не ја добиете посакуваната густина.
- Додадете ги зготвените и процедени тестенини во сосот.
- Наросете пармезан и сечкан магдонос по желба и послужете додека е топло.
(О)Милена | Црнобело
Би можело да ве интересира:
Вкусни домашни чорбести јадења за 5 дена во неделата
Пет рецепти за највкусните домашни јадења кои сигурно ви ги правеле дома, а преп...
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Лиснати погачици со сладок крем и вишни
Ова слатко лиснато задоволство е совршено за појадок или ужинка. Дали би го проб...
Вкусен викенд појадок - потпечена тортиља со спанаќ и кашкавал
Богатство од вкусови за совршен викенд појадок кој се подготвува за 30-тина мину...
Предлог за викенд ручек: Вкусни вегетаријански лазањи со два вида сос
Денес ви прикажуваме еден рецепт за лазањи со два вида сос кои, ако ги приг...
Сочна паста со шери домати и фета сирење, во Air Fryer
Паста е секогаш одлична идеја, без оглед дали сакате макарони, шпагети или орзо....
Препорачуваме
Најчитани неделава
