„Гарден фокача“ - неодолива погача со декоративен изглед, од која ќе барате парче повеќе
Доколку ви се наоѓаат остатоци од зеленчук во фрижидерот, ви предлагаме вкусно гастрономско решение – да ги употребите во оваа вкусна гарден фокача. Освен што мами со изгледот, вкусот е неверојатен, а креативноста може да ја пуштите на најсилно кога станува збор за подредувањето на зеленчукот.
Може да искористите маслинки, тиквички, магдонос, моркови, домати… изборот е огромен. Најубаво се јаде додека е топла, а еве како да ја направите, идеална за појадок или вечера:
Потребни состојки:
- 450g брашно
- 1 лажичка сол
- 8 g сув квасец
- 130 ml ладно цедено маслиново масло
- околу 400 ml вода
- *зеленчук по избор
Начин на подготовка:
- Ставете го брашното во подлабок сад и измешајте го со солта и сувиот квасец.
- Направете дупка во средината и додадете 100 ml маслиново масло + 300 ml вода.
- Помешајте и доддадете уште вода (околу 100 ml) додека не добиете многу меко, но не премногу лепливо тесто.
- Месете додека тестото не стане меко и еластично, околу 10-12 минути е потребното време за рачна обработка.
- Оставете го тестото да „одмори“ добро покриено околу 1 час и 30 минути.
- Потоа префрлете го тестото во плех за печење и лесно растегнете го со рацете.
- Премачкајте го со маслиново масло и оставете го да кисне уште 1 час.
- Во меѓувреме, загрејте ја рерната на 200°C.
- Со прстите втиснете дупчиња во тестото и започнете да го украсувате со исечканиот зеленчук.
- Помешајте ги преостанатите 30 ml масло и околу 30 ml вода па истурете ја течноста врз фокачата. По желба додатно посолете ја.
- Печете ја фокачата околу 30 минути или додека не добие златна боја.
(О)Милена | Црнобело
Би можело да ве интересира:
Рецепт за турски ѓевречиња меки како душа
Овие турски ѓевречиња уште се познати и како ачми, а може да ги подготвите и со ...
3 рецепти за деновите кога постите без масло
Шпагети со лук и сусам, вкусен ориз со лозови листови или киноа... Што можете да...
Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето п...
Пица кроасани од лиснато тесто, готови за 30 минути
Одлични се и за ужинка и за вечера, но и да ги направите кога ќе ви се најават г...
Рецепт за брза ужинка со кој најлесно ќе ги натерате децата да јадат зеленчук
Овие корејски палачинки се идеални за сите возрасни што сакаат да пробаат нешто ...
Највкусната посна сарма со праз, по рецепт на нашите баби
Бадниковата и божиќната трпеза никако не можат да поминат без посна сарма... Дал...
Препорачуваме
Најчитани неделава
