Турско кафе на македонски, модерен начин

Сите знаеме дека турското кафе е незаменливо. Со оглед на тој факт, барем едно турско мора да се испие во текот на денот за тој да тече како што треба.

Доколку турското кафе е и ваш омилен пијалок кој ве расонува наутро, еве како да го приготвите на македонски, модерен начин и да добиете уште послатко задоволство на кое нема да можете да му одолеете.

Сварете го турското кафе како што го варите по обичај, но овој пат откако ќе биде готово земете поголема шолја и ставете две лажици крем за кафе, а потоа ставете го турското во неа.

Откако ќе го направите тоа додајте малку млеко млеко (1 чашка за ракија), варено или ладно, според желба.

Не мешајте, туку оставете кафето само да се соедини со кремот и млекото и наместо онаа темно кафена боја, да добие костенлива боја.

Откако ќе ја добие костенливата боја, додајте цимет на врвот од лажичката и вашето турско кафе на македонски, модерен начин е готово.

Може да го пиете заедно со локумче кое ќе ви го надополни задоволството.

Откако еднаш ќе го испробате, веднаш ќе го засакате.

На здравје!