Ви го претставуваме „јапанди“ – трендот за уредување на домот за 2021-ва

Нова година, ново... сè? Новата година често е иницијатива за промена на разни полиња, па идната календарска 2021-ва ни носи и драстични промени во домот.

Оваа година дефинитивно поминавме рекордно време затворени во домашните четири ѕида, се приспособивме на работата од дома, повторно откривме некои стари затрупани работи по дома и сè повеќе се трудевме да создадеме топол и пријатен амбиент.

Ги исчистивме непотербни работи и ситници кои ги трупавме со години, го освеживме просторот... и на добар пат сме да го примениме трендот во уредувањето за наредната година.

Јапанди е стилот на уредување и живеење кој ќе биде хит во 2021-ва, ако се потпираме на Инстаграм.

Јапанди е споен збор од „Јапонија“ и „Скандинавија“ и објаснува дека јапонскиот дизајн се сретнува со скандинавскиот минимализам.

Доминираат јасни линии, неутрални бои и мешавина од природни материјали...

Како ви се допаѓа?

М. Д. | Црнобело