Едноставни додатоци со кои ќе го освежите и промените домот за еден ден

Ако сакате да го освежите домот, нема потреба да реновирате или да почнувате проекти што ќе ви одземат цела недела, па и подолго.

Истовремено, освежувањето на домот и не мора да биде голем трошок.

Со следниве едноставни „проекти“, односно мини додатоци ќе освежите домот за само еден ден:

Украсна свеќа или сет свеќички

Купете 2-3 украсни свеќи или цел сет помали свеќи и ставете ги во домот.

Перници

Украсните перници ќе ја направат дневната најстилската просторија во домот.

Нова постелнина

За да ја освежите спалната, купете нова постелнина. Нема подобро чувство како кога ќе си легнете помеѓу нови и чисти чаршафи.

Завеси

Завесите можат да го променат целиот изглед на просторијата. Само внимавајте – ако се работи за мал простор, најдобро одберете светла завеса.

Уметничко дело или фотографии

Украсете го ѕидот со некое уметничко дело, или направете галерија со вашите најдраги фотографии.

Украсно цвеќе

Цвеќето е најлесниот начин да внесе свежина во домот. Ако сакате ново хоби, можете да почнете со одгледување цвеќиња. Ако ова сепак не е за вас, и вештачкото цвеќе ќе ви заврши работа.

Нови крпи и растение во бањата

Во бањата сосем доволно е да ставите нови крпи. Вложете во квалитетни крпи и осигурете се дека ќе одговараат со боите во бањата. Мини растенијата исто така создаваат целосно нов изглед.

Спирова С. | Црнобело