14 идеи како да избегнете непрактичен ентериер во домот

Честопати кога гледаме нови идеи кои се модерни во моментот чувствуваме ентузијазам и возбуда за нивното имплементирање во домот. Но, подоцна сфаќаме дека тие идеи не секогаш се практични или прикладни за нашите домови.

Фактот дека нешто долго сме посакувале да го имаме дома може да се покаже небитно на крајот, бидејќи тој детел е комплетно некомпатибилен за распоредот во домот.

Погледнете неколку такви примери со цел да ја избегнете замката на непрактичност во домот:

Сите соби уредени во различен стил

Кога реновирате не смеете да заборавите дека вашиот дом е сепак една целина. Затоа, собите треба да имаат нешто заедничко меѓу себе. Во спротивно, доколку сите соби се целосно различни може да се чувствувате неудобно или да почне да ве нервира сопствениот дом.

Мебел за деца

Мебелот за деца можеби изгледа слатко и убаво, но многу брзо ќе ви се досади вам, а и на вашето дете. Најчесто овие соби ги прават родителите коишто сонувале да имаат таква соба како мали.

Вкусот на децата многу брзо се менува, па затоа е подобро да изберете нешто практично, за да не мора да го менувате целиот мебел кога на детето ќе му досади истиот.

Стаклени масички

Овие масички навистина му даваат леснотија и светлина на просторот, но тие нема да го направат вашиот дом пооригинален, а дополнително можат да бидат и опасни и непрактични, бидејќи на нив се познаваат отпечатоци од прсти.

Доколку сакате да ја осветлите собата, закачете огледало на ѕидот и додадете метални орнаменти со висок сјај, а масата одберете ја да биде од друг материјал, како на пример дрво.

Принтови на ѕидовите, подовите или плафонот

Можеби сакате подови кои имитираат вода или плафони како Систинската капела или пак ѕидови со пејзаж, но треба да запамтите дека овие лепенки го прават ентериерот да изгледа поевтино и да привлекува непотребно внимание.

Наместо тоа подобро е да одберете стандардни бои и да го декорирате просторот со интересен мебел.

Постојано следење на трендовите

Доколку постојано ги следите сите модни трендови, тоа може да биде многу скапо за вас, а дополнително и многу фрустрирачко, бидејќи модата се менува многу брзо.

Затоа е подобро да го одберете она што ви се допаѓа и истовремено се совпаѓа со она што го имате дома.

Неонско осветлување

Пред неколку години многу беше популарно да имате лебдечки кревет, лебдечки плафон и така натаму.

Но, собите со овој вид на осветлување, особено доколку истата има силни бои, може само да ве потсетува на солариум или ноќен клуб. Доколку сакате да создадете атмосфера, подобро е да обесите завеси, тие ќе создадат чувство на пријатност.

Минимална употреба на бои

Немојте да одбирате само две од вашите омилени бои и целиот ентериер да го правите таков. Подобро е да одберете неутрални бои и да ги прошарате со детали од вашите омилени нијанси.

Продолжува на следната страна...