Розова + Зелена = Хит комбинација за домот

Комбинацијата на бои што се покажа како исклучително популарна на неодамна одржаните саеми во Париз, Келн и Стокхолм, е импресивниот контраст на розовата и зелената  боја.

Во очите на набљудувачот, двете бои заедно будат чувство на игривост и радост, свежина и женственост, потсетувајќи притоа на тропските дестинации, шарените коктели и зелените палми.

Овој впечатлив тандем не е воопшто тешко да го вклопите во уредувањето на домот.

Оние похрабрите може да си поиграат со поставување големо парче мебел во розова боја покрај зелено бојадисаните ѕидови, или, пак, обратно, шумско зелената софа да ја развеселат со нежни розови перничиња.

Доколку не сакате да го примените ваквиот спој во толку големи размери, можете својата зелена собна билка да ја поставите во пудра розова саксија, да одберете интересен постер на кој се застапени двете бои, или можеби да набавите убава постелнина со розов и зелен дезен, што ќе биде сосема доволно за внесување колоритна динамика во животниот простор.

Во продолжение, ви издвојуваме неколку инспиративни предлози кои совршено ја прикажуваат моќта на ова динамично дуо во домот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 М. А. | Црнобело