На гости кај Зоки Фаци: Стан во Ново Лисиче од 120m2 и викендичка во Катланово во кои доминира зелената боја (фото)
- Детали
- сабота, 11 февруари 2023
„Во домот имам колекција од 80 коњи и уште една од индијански предмети. Во ентериерот доминира зелената боја, но имам и виолетови и портокалови ѕидови, не го сакам сивилото на градот и станот си го направив релаксирачка оаза, но сепак најомилен ми е цветниот двор во викендицата во Катланово“, споделува Зоран Василевски познат како Зоки Фаци за CRNOBELO.com.
Зоран Василевски познат како Зоки Фаци, студирал Ветеринарен факултет, но љубовта кон телевизијата го внела во новинарските води и тоа цели 15 години, но денес тоа го прави само од љубов и како хоби, а занимање му е маркетинг менаџер во локалот „Mi Casa“ кај скопската тврдина Кале.
Тој живее во стан од 120m2 во населбата Ново Лисиче во зимскиот период, а во периодот од месец мај до месец октомври живее во викендичката во Катланово, која всушност е куќа на неговиот татко со 800 метри квадратни двор.
За уредувањето на неговите два дома, Зоки Фаци открива за CRNOBELO.com:
„Во двата дома ми преовладува зелената боја, во комбинација со други силни бои.
Не го сакам сивилото на Скопје и затоа мојот стан си го направив една пријатна оаза, каде има живост, убава енергија и дури и моите пријатели велат дека им е многу релаксирачки кога престојуваат кај мене.
Имам зелени, виолетови и портокалови ѕидови и многу зеленило, како во домот, така и на терасата.
За моите растенија се грижам како за деца и мислам дека тоа се чувствува – одлично напредуваат.
Најомилена работа од целиот стан ми е колекцијата со коњи, имам дури 80, а огромна бројка чувам и во викендичката.
Купувам коњи од секое патување, а и моите блиски личности знаат дека колекционерството на коњи ми е страст, па ми носат од разни земји низ светот.
Во спалната соба пак имам пердуви, „дрим кечери“ и уште низа индијански работи, кои ми даваат чувство на релаксација. Тие ми се наредени во пределот над креветот за опуштање и пријатен сон.
Креветот ми е од ковано железо и морам да кажам дека обожавам ковано железо.
Од што сум вљубеник во индијанската култура, дури онлајн го учам и јазикот.
Зелената боја ми е застапена и во кујната.
Продолжува на следната страна...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_109712_400.jpg)
![](https://www.crnobelo.com/media/com_jvrelatives/images/thumbs/com_content_105003_400.jpg)
![](https://www.crnobelo.com/media/com_jvrelatives/images/thumbs/com_content_106533_400.jpg)
![](https://www.crnobelo.com/media/com_jvrelatives/images/thumbs/com_content_106835_400.jpg)
![](https://www.crnobelo.com/media/com_jvrelatives/images/thumbs/com_content_106189_400.jpg)
![](https://www.crnobelo.com/media/com_jvrelatives/images/thumbs/com_content_110936_400.jpg)