На гости кај Моника: Стан во Скопје со нежни бои и „направи сам“ проекти (фото)

Детали

сабота, 23 јануари 2021

„Нешто што знаев дека морам да го имам во мојот стан беше честерфилд софата во модерен стил и во бежова боја. Таа ми е омилено парче мебел во станот“, вели 27-годишната Моника од Скопје, која додава дека детската соба во домот им е DIY проект од класичен канцелариски мебел.

Моника Ангеловски (27), по професија, архитект и урбанист, живее со својот сопруг Славчо и ќеркичката Стела во стан од 69 м2 во скопската населба Карпош 4.

Со неа проговоривме околу изборот на бои, инспирацијата за уредувањето и DIY проектите во нејзиниот дом.

Моника за CRNOBELO открива како со сопругот го создадоа својот мал рај:

„Бидејќи во претходниот стан изобилуваше темна боја и индустриски стил, со сопругот веднаш се сложивме дека во новиот стан мора да преовладуваат светли бои и топли тонови.

Проектот за станот си го цртав сама, нормално во консултација со сопругот, како и стручна помош од лица кои ни го изведуваа целиот мебел.

Уште кога го ѕидаа станот направивме веднаш неколку измени во распоредот, така што сите нефункционлни ќошиња, столбови и инсталации се мудро скриени.

Нешто што знаев дека морам да го имам во овој стан беше честерфилд софата во модерен стил и во бежова боја. Таа ми е омилено парче мебел во станот.

Ако нешто морам да издвојам како детаљ и контраст во станот, тогаш тоа е бојата на розовото злато која се појавува умерено во неколку елементи и дава совршен контраст на неутралните мат тонови.

Од она што премногу ни се допаѓаше како идеја и среќна сум што го постигнавме, тоа е долгиот ѕид во дневната соба кој е спој од вертикални брисолеи во боја на слонова коска и големи масивни дрвени плочи, кои доминираат одзади долгата минималистичка комода.

Продолжува на следната страна...