Луксузната вила во која ќе уживаат The Weeknd и Селена Гомез (фото)

Детали

четврток, 01 јуни 2017

Популарниот канадски музичар од неодамна е сопственик на нов имот во Лос Анџелес, Калифорнија, што го чинеше близу 20 милиони долари, а каде сигурно ќе му се придржи и неговата девојка, поп-пејачката Селена Гомез.

По бројните хитови со кои се искачи на врвот од топ листите, но и албумите што бележат високи тиражи на продажба, пејачот Абел (попознат како The Weeknd), и тоа како си го заслужи милионерскиот статус и домот во луксузното соседство Хиден Хилс.

Иако не познато дали е во прашање љубовно гнездо, односно дали музичарот наменски го купил за нив двајцата, неспорно е дека неговата вила претставува навистина раскошно здание, каде тој и Селена вистински ќе уживаат во заеднички поминатите мигови.

Куќата се состои од девет соби и девет бањи, распоредени на 1.300 метри квадратни. Во импресивната градба, The Weeknd ќе има на располагање и домашно кино, теретана, вински подрум и студио за снимање, каде ќе може да работи на своите нови песни.

Секако, покрај големата куќа се наоѓа и една помала за гости - со две бањи и спални соби, а во дворот има и базен со солена вода, плус катче за подготовка на скара.

Со оваа недвижнина, The Weeknd се запиша во списокот славни личности што ја сочинуваат елитната заедница на Хиден Хилс, а соседи му се Канје Вест и неговата сопруга Ким Кардашијан, Кајли Џенер и Мајли Сајрус.

Во продолжение, ѕирнете како изгледа прекрасната куќа на ѕвездениот пар:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело