Илија од беровско направил оаза од кактуси во станот во Скопје: „Гостите се воодушевуваат“
- Детали
- недела, 07 април 2024
Погледнете како со малку креативност и многу цвеќиња може да се направи вистинска мала оаза и во урбаната џунгла во Скопје. Илија од беровско се пресели во Скопје, а со себе ги донесе растенијата од тамошната оаза.
Младиот Илија Брндевски (31) на македонската јавност ѝ стана познат заради неговата прекрасна цветна оаза за која се грижеше сам во беровско Ратево, но борбата за подобра егзистенција го натера да се пресели во главниот град.
Илија во изминатите неколку месеци полека се привикна на животот во главниот град, жуборењето на Ратевска Река ја замени со бучавата на автомобилите во Скопје, но со себе понесе мал дел од рајот во родниот крај, па во посебна просторија ги чува своите кактуси и сукуленти.
Оазата на Илија во беровско, Ратево
Неговата нова оаза се наоѓа во стан на булевар „Климент Охридски“, значи во центарот на Скопје, а во посебната просторија има околу 370 растенија, кои ги донел од беровско.
Тој во изјава за CRNOBELO.com вели дека гостите што доаѓаат во неговиот дом се импресионирани и воодушевени од растенијата, а за одлуката дали било тешко да го напушти родното Ратево и да дојде во Скопје, Илија вели:
„Одлуката воопшто не беше тешка, со оглед дека тука ќе имам повеќе можности за напредок“.
Илија за читателите на CRNOBELO.com сподели повеќе фотографии од неговата нова оаза во Скопје.
На следната страница погледнете како со малку креативност и многу растенија може да се направи убава оаза и во урбаната џунгла во Скопје...
Би можело да ве интересира:
![](https://www.crnobelo.com/media/com_jvrelatives/images/thumbs/com_content_109712_400.jpg)
![](https://www.crnobelo.com/media/com_jvrelatives/images/thumbs/com_content_105983_400.jpg)
![](https://www.crnobelo.com/media/com_jvrelatives/images/thumbs/com_content_105003_400.jpg)
![](https://www.crnobelo.com/media/com_jvrelatives/images/thumbs/com_content_108638_400.jpg)
![](https://www.crnobelo.com/media/com_jvrelatives/images/thumbs/com_content_111569_400.jpg)
![](https://www.crnobelo.com/media/com_jvrelatives/images/thumbs/com_content_104662_400.jpg)