Одгледување бонсаи во 6 чекори - доволно едноставни и за неискусни

Не го избегнувајте ѓубривото

Експертите советуваат да ги прихранувате овие дрвца со ѓубриво за да им го поттикнете растот.

Ѓубривото е исклучително важно за одржување здрави растенија, бидејќи нивните корени се стегнати и ограничени само на хранливите материи достапни во саксијата.

Напролет користете ѓубриво со високо ниво на азот за да го поттикнете растот и да ја одржувате зелената боја. Во есен користете ѓубриво со пониско ниво на азот.

Кројте ги гранките

За да го поттикнете растот и да ја одржувате големината и формата на бонсаи дрвцето, важно е да ги кроите гранките.

Листопадните дрвца бонсаи пак, исто така имаат корист од обезлистување, еднаш годишно или, пак, отсекување на дел или сите новоизраснати лисја, за да поттикнете раст на нови.

Секако, внимавајте да го исечете листот, а стеблото да го оставите неоштетено. 

За да го намалите ризикот од грешка, пребарајте на интернет за видот на дрвцето што го одгледувате.

Кога да се пресади во нова саксија?

Препорачливо е бонсаи дрвцето да се пресадува на секои 2 до 5 години, во зависност од видот и возраста на дрвцето.

Побрзорастечката сорта ќе треба да се пресадува на секои 2 години, додека оние кои растат побавно или кои се постари, може да издржат повеќе време во една саксија.

За да дознаете дали на вашето дрвце му треба пресадување, извадете го од саксијата во рана пролет и проверете ја состојбата на корените. Ако се исплеткани корените околу саксијата, тогаш дефинитивно е време да се пресади бидејќи во тој случај не се исхранува добро.

Исечете ги корените што ја надминале големината на саксијата, но никогаш не сечете повеќе од 30% од корените на бонсаи дрвцето.

Зошто да се одлучите да одгледувате бонсаи?

Доколку ви требаат дополнителни причини за да се одлучите да одгледувате бонсаи дрвце, тогаш имајте предвид дека тоа го прочистува воздухот и го намалува стресот.

„Интеракцијата“ со бонсаи дрвцето може да ви помогне да го намалите крвниот притисок и нивото на стрес.

Уште една причина плус да се решите за бонсаи е тоа што со него ќе ја зголемите вашата трпеливост.

Без разлика дали ќе купите бонсаи или ќе се одлучите самите да го засадите и одгледувате, тоа ќе ве научи на трпеливост, затоа што треба да бидете фокусирани кога го кроите, пресадувате, наводнувате...

М. Ѓ | Црнобело / фото: freepik.com