Како конечно да се стоплите оваа зима?

Иако се наоѓаме на самиот почеток од зимата, ниските температури нè принудуваат да се облечеме најтопло што можеме и да не излегуваме многу надвор.

Организмот секогаш се труди да ја одржи оптималната телесна температура, но кога температурите ќе паднат под нулата добредојдена е секаква помош.

Следните трикови ќе ви покажат како да го загреете телото кога сте на отворено, но и кога сте дома.

1. Започнете го денот со нешто топло

Ако помисливте на кафе, воопшто не сте во право. За да не го исцрпите дополнително организмот, започнете го денот со топла овесна каша со мед или чинија житарки.

2. Облечете неколку слоеви облека

Слоевитата облека не само што ќе му помогне на телото да ја задржи внатрешната топлина, туку и ќе ви биде од корист доколку ви стане топло и мора да соблечете нешто.

3. Не ги заборавајте капата и ракавиците

Иако речиси сите одбиваме да носиме капа, факт е дека таа навистина му помага на организмот да се загрее. Истото важи и за ракавиците. Научниците укажуваат на фактот дека мозокот не регистрира дека телото се загреало, доколку екстремитетите се ладни. 

4. Топли обувки

Топлите чевли или чизми се уште еден дел од облеката, кој може да ве заштити од студ. Пред да одите некаде, загрејте ја нивната внатрешност со фен неколку минути и веднаш облечете ги. Вашите нозе ќе ви бидат благодарни. 

5.Загрејте го домот

Од особена важност во текот на зимата е домот да биде топол. Ако сте забележале дека штом застанете до вратата чувствувате како навлегува студен воздух, направете заштитници со помош на стари хулахопки.

6. Затворени врати = топол дом

Наједноставниот трик за да ја задржите топлината во домот е да ги држите затворени сите врати.

7. Ослободете ги радијаторите

Сè она кое се наоѓа директно пред радијаторите, го спречува ширењето на топлината. Токму затоа, важно е тие да бидат слободни и да нема некаков поголем предмет пред нив.

8. Покријте го подот

Теписите постојат со причина -  да го загреат вашиот дом и да ви овозможат да газите на нешто меко и топло.

9. Топол кревет

Ако креветот ви е ладен и никако не можете да се згреете кога ќе си легнете, наполнете шише со врела вода и ставете го под постелнините некое време пред да си легнете.

М. С. | Црнобело