Зошто не е препорачливо да одите боси, дури и кога сте дома?

Соблекувањето на чевлите штом стигнете дома не само што релаксира, туку и е неопходно, за да не си ги донесете дома сите бактерии. Но, истото не важи и за соблекувањето на чорапите.

Всушност, одењето боси низ дома, без чорапи или без папучи, може да има негативни влијанија на целокупното здравје.

Како на пример:

1. Стапалата ви се поизложени на бактерии и габични инфекции, односно на секакви микроорганизми кои може да ви наштетат на ноктите и кожата на нозете.

2. Тврдите подлоги не се добри за стапалата, бидејќи не се доволна потпора кога газите боси.

3. Може да предизвика секакви повреди предизвикани од лизгање и истегнување на мускулите или лигаментите.

4. Болката се пренесува на грбот, поради недоволниот баланс кога се движите. Лошото газење може да се одрази и како болка во колениците.

5. Предизвикува непријатен мирис на стапалата, повторно поради лесното лепење и размножување на бактериите кои живеат на подните површини.

М. Д. | Црнобело