8 необични симптоми кои може да сигнализираат бременост

Зачестено течење на носот

Овој симптом се јавува кај 18-42% од бремените жени, најчесто во првиот триместар, а потоа и при крајот на бременоста. Експертите нагласуваат дека може да се јави и во друг период од бременоста, а најчесто поминува по породувањето.

Покрај зачестеното течење на носот, можно е да зачести и кивањето како и појавата на затнат нос.

Ако овој симптом значително ви го отежнува дишењето или е придружен со треска, најдобро е да се консултирате со лекар.

Испрекинато или отежнато дишење

Повеќето жени се соочуваат со испрекинато дишење за време на бременоста, а наводно една од причините за ова е растењето на фетусот кој почнува да создава притисок на абдоменот, а со тоа и на белите дробови. Друга, поголема причина е хормонот прогестерон чие количество се зголемува за време на бременост.

И овој симптом е безопасен, но ако сметате дека има друга причина за неговата појава освен бременоста, најдобро консултирајте се со лекар.

Засилено сетило за мирис

Ова е многу чест симптом, но неговиот интензитет може да варира. Кај некои жени сетилото за мирис се засилува сосема малку, додека кај други може да биде и причина за мачнина ако помирисаат посилна арома.

Сигурно веќе претставувате дека и за оваа појава, причината се хормоните, односно естрогенот.

Желба за јадење чудни нешта, како мраз или земја

Некогаш кај бремените жени се јавува желба за јадење чудни нешта кои не се храна, како мраз, па дури и земја. Наводно, ова може да биде знак за неправилна исхрана, сиромашна со хранливи материи.

Овој феномен се јавува и кај другите луѓе, но е поизразен кај бремените жени поради нивната зголемена потреба за разни хранливи материи.

Обично феноменот поминува сам од себе, но можете да си помогнете со внесување поразновидна храна или додатоци во исхраната, но само по консултација со вашиот лекар.

Спирова С. | Црнобело