„Кои мои навики мислев дека се нормални, а всушност биле симптоми на АДХД?“

„Постојано тапкам или чукам по сè! Го правев тоа цел живот, а во училиште ме караа затоа што ја прекинувам наставата“.

„Мислев дека сите престануваат да слушаат штом нешто им стане здодевно“.

„Постојано и ненамерно прекинувам луѓе додека зборуваат“.

„Постојано имам песна или мелодија во глава. Понекогаш само еден дел се повторува бесконечно“.

„Ги завршувам речениците на луѓето. Мислев дека ова се случува само со блиски луѓе, но јас го правам со сите“.

„Како дете, добивав анксиозност и силни емоции во гласни и хаотични средини, а сите ме нарекуваа ‘премногу осетлива’“.

 „Ќе кажам само: чувствителност на одбивање и критики. Не знаев дека не сите луѓе чувствуваат физичка болка и огромна тага од секоја критика“.

„Мислев дека сите имаат непрекинат проток на мисли во глава цел ден. Кога првпат зедов лек за АДХД и ми се стивнаа мислите, бев шокирана. Ја повикав мајка ми и ѝ кажав дека за првпат во животот слушам тишина“.

„Секогаш сум чувствувал емоции поинтензивно од другите. Ако некој беше лут, јас бев бесен. Ако нешто беше тажно за некого, јас плачев“.

„'Нехиперактивниот тип' на АДХД изгледа сосема поинаку, особено кај жените. Најголем пример: кога имав премногу задачи, се ‘замрзнував’ и не можев да направам ништо“.

„Во секоја соба имам часовник, дури и во бањата, и секогаш носам рачен часовник за да не го загубам чувството за време“.

„Имам детска енергија како возрасен. Мислев дека сите други само се уморни, додека не сфатив дека сум премногу енергичен и исцрпувам луѓе околу себе“.

Прочитајте и Чести симптоми на АДХД – Како да познаете дали вашето дете го има нарушувањето?

С. С. | Црнобело