Што открива бојата (и текстурата) на семената течност за вашето здравје?

Додека е нормално семената течност некогаш да има бледожолта нијанса, ако ова трае долго, а чувствувате и други симптоми, може да биде знак за некаков проблем. Што значи розова, црвена, зелена, па дури и црна семена течност?

Од изгледот на ноктите до бојата на урината, нашето тело има многу начини на коишто ни кажува дали можеби има некаков проблем со здравјето.

Кај мажите, дури и бојата и мирисот на семената течност може да биде индикатор за здравствената состојба.

Карактеристиките на семената течност, како боја и мирис, можат да зависат од многу фактори, вклучувајќи начин на исхрана, возраст и пушење.

Во некои случаи, овие карактеристики можат да бидат и знак за здравствен проблем.

Важно е да знаете дека само затоа што забележувате промена во изгледот на семената течност, не мора да значи дека имате проблем со здравјето.

Но, доколку чувствувате и некој друг симптом, препорачливо е да се обратите на лекар.

Па, што откриваат изгледот и мирисот на семената течност за вашето здравје?

Бела боја

Здравата семена течност има бела боја и е малку проѕирна. Нормално е да се забележат и сиви, но и малку жолти нијанси.

Текстурата е како гел и се згрутчува кратко по ејакулација.

Кога станува збор за количеството, кај мажите е нормално да ејакулираат од околу 1,5ml до 5ml. Ова количество може да се намалува со возраста, особено кај мажи кои имаат направено вазектомија или имаат проблеми со простата.

Жолта боја

Иако е нормално семената течност некогаш да има жолта нијанса, изразената жолта боја може да биде знак за неколку проблеми.

Жолтата боја може да биде поврзана со прекумерно пиење алкохол, но и здравствени проблеми како уринарни инфекции.

Многу жолтата боја може да биде знак за жолтица.

И проблемите со мочниот меур може да предизвикаат жолта боја на семената течност.

Во поретки случаи, жолтата семена течност може да биде поради некакво воспаление, автоимуни болести и сексуално преносливи болести.

Зелена нијанса

Причините за зелената нијанса се слични како оние за жолта.

Некои сексуално преносливи болести, како кламидија или гонореја, можат да го променат изгледот на семената течност. Во овие случаи, исто така, се јавува и непријатен мирис.

Од друга страна, можно е и земањето витамини да предизвика привремена промена на бојата.

Важно е да внимавате на симптомите и ако не забележувате враќање во нормала, одете на лекар.

Црвена или розова

Најчестата причина за црвена или розова нијанса на семената течност е присуство на крв кое, пак, може да биде предизвикано од инфекција.

Црвената нијанса може да се појави и по некаков зафат на простата, но тогаш вашиот лека ќе ве извести за оваа можност.

Во ретки случаи, можно е да има и проблеми со тестисите. Ако семената течност не се нормализира и чувствувате други симптоми, одете на лекар.

Продолжува на следната страница...