Начини на лекување на курје око - како да го отстраните сами дома?

Превенција или како да се спречи појавата на курје око?

Како и кај другите промени или болести, најважна е превенцијата.

Во просек, курје око почесто се јавува кај жените отколку кај мажите. Причината се тесните и неудобни чевли, особено високите потпетици, кои често предизвикуваат дегенеративни промени на стапалата како резултат на долгото носење во подоцнежните години.

Проблемот е нерамномерна распределба на притисокот врз стапалото при движење.

Затоа е многу важно да носите удобни чевли.

Ве советуваме да ги замените оригиналните влошки во чевлите со квалитетни влошки по нарачка.

Доколку немате поголеми проблеми, доволни се малку поквалитетни влошки кои можете да ги купите во специјализирани продавници.

Иако се поскапи ќе можете да ги користите во сите чевли.

Многу е важно да се одржува хигиената на стапалата, односно правилна и редовна нега на стапалата.

Миењето на стапалата двапати на ден е задолжително, а не треба да избегнувате и хидрантни креми за кожата.

Масажата на стапалата по напорниот ден не само што ќе ја намали можноста за појава на курје око, туку и ќе ве ослободи од стресот.

После туширање, обидете се да ги измиете само нозете со наизменично топла и ладна вода 2 минути.

На овој начин ја поттикнувате циркулацијата на крвта, а ова е одличен метод и за туширање на целото тело.

Какви препарати за отстранување на курје око можеме да најдеме во аптеките?

Отстранувањето на централниот, тврдиот, конусен дел од курје око резултира со моментално олеснување. За таа цел се користат препарати кои содржат супстанции со кератолитичко дејство, на пример салицилна киселина, уреа, трихлороцетна киселина и слично.

Овие супстанции ја омекнуваат површината на кожата, ја ублажуваат болката и го олеснуваат нејзиното отстранување.

Пенкала за отстранување на курје око

Во аптеките можете да купите препарати во форма на пенкало исполнето со гел трихлороцетна киселина (TCA). Трихлороцетна киселина има изразен кератолитички ефект, односно го лупи задебелениот слој на кожата, кој постепено исчезнува со континуирано нанесување.

Првите видливи резултати можете да ги очекувате веќе по една недела.

Раствори за отстранување на курје око

Одамна на нашиот пазар се присутни раствори во чиј состав, покрај концентрирана салицилна и оцетна киселина, се вклучени и растителни компоненти како што се маслото од кантарион, маслиново масло и есенцијално масло од нане. Растителните компоненти обезбедуваат антиинфламаторно дејство на препаратот, маслото од нане пријатно лади и ја ублажува болката.

Растворите обично се нанесуваат на курје око околу трипати по ред едно по друго. Односно се нанесува еден слој од препаратот, се чека да се исуши и веднаш се нанесува вториот или третиот слој.

Постапката повторете ја два до трипати на ден. Најчесто, резултатот се гледа по тридневен третман. 

Фластери за отстранување на курје око

Фластерите за отстранување на курје око имаат меко перниче кое содржи мевлем. 

Делот од фластерот со перниче се става врз израстокот и се остава да делува 4-5 дена. 

По отстранувањето на фластерот, се препорачува да се потопи ногата во топла вода и да се отстрани израстокот со тап предмет.

Исто така, во аптеките можете да најдете меки влошки за предниот дел на стапалата и за прстите од силиконски материјал, кои го намалуваат притисокот од чевлите и ја ублажуваат болката.

Не обидувајте се да ја исечете задебелената кожа со ножици или брич за да не го повредите околниот здрав дел, предизвикувајќи воспаление или инфекција.

Секогаш треба да имате на ум дека курје око може повторно да се појави по одредено време, доколку не се отстрани причината за неговото појавување.

Курје око и традиционалната медицина

Уште од античко време познато е дека смоквата лекува жуљеви и брадавици.

Смоквата содржи ензими кои помагаат при отстранување на разни израстоци на кожата. Ананасот и папајата содржат слични ензими.

Навечер пред спиење исечете свежа смоква и внатрешниот дел замотајте го околу израстокот.

Следниот ден извадете го овошјето, а ногата потопете ја во топла вода околу половина час, што е доволно за курјето око да омекне и лесно да се извади.

Постапката се повторува неколкупати.

Кората од врба содржи салицилат и се користи и за отстранување на курје око.

Постапката е слична како и со смоквите, само што треба да сте претпазливи кората од врба да не дојде во контакт со здравото околното ткиво и да предизвика воспаление.

Истата постапка како со смоквата можете да ја направите и со лук.

С. Ш. | Црнобело / фото: freepik.com