10-те најчести детски прашања и нивните точни одговори кои дури и возрасните не ги знаат

Нашите деца светот го гледаат со други очи. Ништо не може да им избега од вниманието, а нивната љубопитност нема граници.

Децата постојано поставуваат прашања и очекуваат од родителите инстантно да им ги договорат. Но, многу често, нивните прашања и ние не ги знаеме.

Еве неколку примери:

Зошто водата врие?

Кога водата се загрева, молекулите започнуваат да се движат побрзо и да се оддалечуваат една од друга. Во еден момент толку се оддалечени што се претвораат во пареа. Процесот се нарекува Испарување.

Што ги држи авионите во воздух?

Како еден Boeing-747 од 162 тона не паѓа од небото? Силата која дејствува се нарекува сила на подем која настанува кога воздухот симултано се движи под и над крилата на авионот. Воздухот над крилата се движи побрзо и прави помал притисок. Истовремено, погустиот воздух под крилата на авионот го подигнуваат авионот на нагоре. Колку е поголема брзината на авионот, толку е поголема сила на подем.

Зошто снегот е бел?

Секоја снегулка, ако ја гледате одвоено е безбојна и транспарентна. Но, зошто тогаш снегот е бел? Кога снегулките формираат голема маса, тие ја прекршуваат (рефракција) и рефлектираат сончевата светлина која е бела.

Зошто човечката коса природно не може да биде сина?

Човечката коса содржи пигменти кои можат да направат да изгледа црна, кафеава, жолта или црвена. Нашата коса, исто така, содржи и мали меурчиња од воздух кои заедно со пигментот ја одредуваат бојата на косата. Од можните пигменти во нашата коса, не можеме да добиеме зелена или сина боја.

Зошто астронаутите лебдат во вселената?

Спротивно на тоа што мислат повеќето луѓе, астронаутите кои се наоѓаат на Интернационалната вселенска станица, не се слободни од гравитацијата на Земјата. Гравитацијата на Земјата влијае на сите објекти во орбитата. Што се однесува до бестежинската состојба, таа се јавува, бидејќи станицата и астронаутите кои се наоѓаат во неа паѓаат кон Земјата со брзина од 7.9 km/s, но големата височина прави ова паѓање да биде постојано. Како објектот постојано да не успева да падне на површината на нашата планета и наместо тоа, лета околу неа. Замислете си лифт кој паѓа од врвот на облакодер. Личноста која ќе се најде во него ќе искуси моментална бестежинска состојба. Астронаутите го искусуваат истото, но не моментално, туку постојано.

Зошто небото е сино?

Како што сончевите зраци навлегуваат во нашата атмосфера, истите се расфрлаат и прекршуваат. Сончевите зраци се бели, но кога се одвојуваат во седумте бои на виножитото. Бидејќи сината боја е порасфрлена од останатите, таа доминира на небесната палета. Но, небото никогаш не е идеално сино, поради тоа што и другите бои од спектарот се присутни.

Што ја предизвикува маглата?

Маглата се состои од илјадници ситни водени капки или кристали од мраз кои лебдат во воздухот. Маглата се формира кога воздухот е студен, а земјата топла или обратно. И во двата случаи, густ слој на водена пареа или честички мраз се појавуваат и рашируваат на површината.

Зошто водата не гори?

Водата се формира како резултат на хемиска реакција кога водородот оксидира под дејство на кислородот и се произведува топлина. Водата веќе се има ослободено од таа топлина и не е во состојба да гори под природни услови.

Зошто стрелките на часовникот се движат надесно?

Пред да бидат измислени механичките часовници, луѓето користеле гномони или сончеви часовници. Кога движењето на сонцето прави сенки на овие часовници, тие се движат од лево кон десно. А, механичките часовници ја наследиле оваа „традиција“.

Зошто тркалото има кружна форма?

Округлата форма е совршена за тркалање на рамни површини, бидејќи сите точки се подеднакво оддалечени од оската која останува на иста височина од површината на земјата. Ова го има покажано и едно 8-годишно дете, Димитри Тарусов, кое со лего коцки направило различни форми на тркала и покажало која е најоптимална.

Светот е полн со мали мистерии кои дури и најмалите можат и сакаат да ги откријат, а на нас ни останува да го следиме примерот на најмалите.

Н. Г. | Црнобело