Недостасуваат само принцези и џуџиња: Необично село во Романија - како да го изградиле самовили (фото)
Легендата вели дека местото каде што е изграден замокот бил населен со магични суштества. Затворете ги очите и замислете си ги омилените приказни од детството.
Потоа, погледнете ги фотографиите и бидете искрени – зарем ова место не изгледа како да ги крие хероите од омилените детски бајки во него?
Името на ова необично село во Романија е „Castelul de Lut Valea Zânelor“ што во превод значи „Глинен замок во Долината на самовилите“.
Верувале или не, ова место постои само 6 години, но веќе стана светска атракција која ќе ве натера да помислите дека бајките навистина постојат во реалноста.
За да стигнете до него мора да поминете низ Трансилванија, а селцето се наоѓа во близина на малото село Порумбаку Де Сус, и е лоцирано на 39 километри од градот Сибиу.
https://www.instagram.com/p/CZ7f7pvqWqx/
Castelul de Lut Valea Zânelor“ е всушност еко-село со замок, а го изградиле Разван и Габриела Василе, брачна двојка на кои им дошло преку глава од брзиот живот, асфалтот и вревата на големиот град.
Родителите сакале да му овозможат поздрав начин на живот на своето дете, па го продале својот дом во центарот на Букурешт и решиле да изградат замок од целосно природни материјали.
Сите куќи се направени од комбинација на речен камен, глина и песок, а хотелот кој наликува на замок има приземје и кат, 2 кули, 10 соби и дури 50 прозорци.
https://www.instagram.com/p/CZr5TyosrgN/
Локалната легенда вели дека земјата на којашто е изграден замокот била населена со магични суштества – самовили и дека тие продолжуваат да го штитат местото кое некогаш било нивен дом.
Посетителите може да уживаат во навистина прекрасен поглед – замокот е опкружен со планини од сите страни, во близина има мала река, а целото село е преполно со градини и детали како од најубавите приказни.
За да се зачува автентичноста на местото, се примаат само мали групи на посетители, а замокот е особено привлечен за разни прослави како свадби, крштевки и слични церемонии.
Дали сте виделе нешто посимпатично? Навистина наликува на бајка, нели?
https://www.instagram.com/p/CZJWWYZA0Qy/
https://www.instagram.com/p/CZHatljM66c/
https://www.instagram.com/p/CZHBG_vIV54/
https://www.instagram.com/p/CY_3kwSIhQ8/
(О)Милена | Црнобело
Би можело да ве интересира:
Препорачуваме
Најчитани неделава
