Помалку посетена и од Македонија, земја во Европа која е апсолутно прекрасна и треба да ја видите барем еднаш

Микронацијата која живее на простор од само 61,1 km² е најдобар доказ дека големината нема никаква врска со привлечноста.

Постојат навидум бесконечен број дестинации и атракции за посета низ Европа. Од Ајфеловата кула во Париз до кривата кула во Пиза па сè до швајцарските Алпи, туристите можат да поминат неколку месеци низ Европа и никогаш да не видат целосно сè.

Ова е прилично добро објаснување зошто прекрасното Сан Марино е на списокот на најмалку посетените земји во Европа во 2016 и 2017 година, според Светската туристичка организација на Обединетите нации (UNWTO).

Лоциран во северноцентрална Италија, Сан Марино е познат по живописните планински пејзажи и неговите три средновековни тврдини.

Доколку се решите да го посетите Сан Марино, може да се прошетате покрај блиските плажи (кои технички ѝ припаѓаат на Италија) или низ градскиот центар кој дише со историја, пред да нурнете во чинијата со свежи тестенини, печено месо и вина од локалните лозја.

Со површина од само 61,6 квадратни километри и околу 30.000 жители, Сан Марино е една од најмалите земји во светот. До неа може да се стигне со брз воз или со автомобил преку северните делови на Италија.

Овој бисер на Апенинскиот полуостров има да понуди навистина многу атракции:

Жичарницата која ги пренесува посетителите во историскиот градски центар до планината Титан

Погледот од тврдината кон средновековното село Сан Марино

Сан Марино е особено прекрасен за време на зимската сезона со снегот што ги покрива црвените покриви

Базиликата Минор дел Санто, црква од 19 век, изградена врз основа на катедралата од 5 век

Ла Гуита е главната тврдина и воедно најстарата која датира од 11 век

Воздушен поглед на Ла Гуита кој ја прикажува внатрешноста на тврдината

Палацо Публико е неоготски плоштад кој е идеално место за прошетка

Кулата Гуита која била користена како затвор до 1975 година, според Lonely Planet

Малиот плоштад Гарибалди кој е дел од необичниот шарм на градот

Втората кула која се нарекува Цеста или Фрата

Статуата на слободата создадена од Стефано Галети во 1876 година

(О)Милена | Црнобело