Хитхорн - живописно холандско село каде куќите се како од бајка и нема автомобили (фото)

Хитхорн е едно од најубавите и необични места во Холандија - во ова село, куќите се како од бајка, нема автомобили, а наместо патишта, куќите ги поврзуваат канали. Токму поради ова, го нарекуваат холандската Венеција.

Хитхорн е една од најпопуларните туристички дестинации во Холандија.

Селото е сместено во провинцијата Оверисел, во срцето на националниот парк Вирибен-Виден, а има околу 2.800 жители.

Живописното село изобилува со одлично сочувани куќи украсени со цвеќиња.

Наместо со улици, Хитхорн е поврзан со водени канали.

Низ селото можете да се движите со чамец или да ги минувате каналите преку мост, преку прекрасните дрвени мостови и надвозници.

Околу него доминира недопрената природа што го прави едно од најубавите мали места во Европа.

Хитхорн е едно од најпопуларните туристички дестинации во Холандија и е идеален за еднодневно патување од Амстердам.

Веднаш штом ќе се приближите до ова селце, ќе забележите дека во него нема патишта или автомобили.

Наместо тоа, главниот начин на транспорт се чамците, што го прави идеално место за одмор и бегство од метежот и вревата на градот.

Туристите и жителите во Хитхорн, мора да ги паркираат своите автомобили на посебни места надвор од селото, а потоа да одат до центарот пешки или со брод.

Ова помага да се сочува традиционалниот изглед на селото и тоа и денес да има идиличен лик.

Селото нуди многу активности за посетителите, како што се лежерни прошетки, возење велосипед или изнајмување кајаци или чамци.

За оние кои ги интересира историјата, локалните жители ја препорачуваат посетата на музејот Giethoorn't Olde Maat Uus.

Сместен во обновена фарма во центарот на Хитхорн, овој мал музеј ќе ви покаже како изгледал животот во 19-тиот век во селото и околината, кога ископувањето тресет било главна активност меѓу локалните жители.

Посетителите на музејот можат да ја искусат автентичната атмосфера, да се запознаат со историјата на Хитхорн и да видат како живееле и работеле неговите жители – сето ова преку неколку изложби и интерактивни презентации.

Сите што го посетиле ова мало, автентично село се воодушевени од неговиот изглед.

Тоа години наназад е вистински скапоцен камен на холандскиот туризам, каде посетителите уживаат во природата, се восхитуваат на богатата флора и фауна и можат да ги истражуваат прекрасните канали и куќи кои изгледаат како да излегле од најубавата бајка.

А. Ј. | Црнобело