Французинки, Италијанки: Тајната на стилот на жените низ земјите во светот

Скандинавија

Жените од Норвешка, Шведска, Данска и Исланд се синоним за шармантна едноставност.

Овие жени следат неколку едноставни правила – обрнуваат внимание на детали, како декоративни копчиња и минималистички накит, а најчесто одбираат облека со пастелни нијанси. Овие бои, пак, им стојат одлично поради светлата кожа и светлата коса.

Нормално, бидејќи удобноста е најважна, рамните чевли се најпосакувани.

Англија

Само потсетете се на стилот на Дијана и ќе ви стане јасно дека и Англичанките имаа одличен вкус за мода.

Овие жени сакаат да комбинираат текстури и не им е страв да експериментираат со стилот. Тие всушност не следат никакви правила, а токму поради ова, неретко и ги диктираат модните трендови – луѓето бараат инспирација кај нив.

Се чини како секоја жена во Англија да си има свој уникатен стил.

САД

Американките најмногу го сакаат слоевитото облекување - доволно е да обрнете внимание на некоја американска серија или филм, и ќе го забележите ова.

Тие сакаат и едноставни маички, но и летни фустани, кои ги комбинираат со тексас или кожна јакна.

Како Англичанките, и тие експериментираат со стилови, но за разлика од нив, неретко вметнуваат и спортски парчиња облека – класични панталони со патики, или сако и бејзбол капче.

Тие сакаат и малку „неуреден“ изглед, односно не се фанови на совршена фризура или совршена шминка.

Јапонија

Стилот на Јапонките е навистина уникатен и тие најчесто носат елегантни комбинации, кои ги дополнуваат со шармантни детали. Тие сакаат интересни чорапи и оригинални модни додатоци.

Јапонките лесно се адаптираат на сите модни трендови, дури и оние најхрабрите, па секогаш се истакнуваат со својот изглед.

Спирова С. | Црнобело