Како да одберете штикли кои ќе ви бидат удобни и нема да изгледате смешно?

Жените во штикли навистина изглеаат поженствено, но само доколку во нив се чувствуваат удобно.

Доколку штиклите ви се превисоки, претесни или неудобни, верувајте дека тоа го забележуваат и оние од страна, бидејќи одот не ви е природен, а женственоста се губи.

Секако, и вие не сакате да ја чувствувате неудобноста и болката во стапалата, па како да одберете совршени штикли?

Потребно е да се држите до одредени правила кои ќе ви бидат услов при купувањето, а не само да го гледате надворешниот изглед.

Како успешно да одберете удобни штикли:

Оптимална висина на штиклата за секој ден

Колку и да сакате високи штикли, за секојдневно носење, ќе мора да одберете поскромни опции, бидејќи во спротивно може да си создадете сериозни здравствени проблеми и повреди.

Доколку не сакате да ги замените штиклите со рамни чевли, тогаш држете се до следниве препораки:

• Докторите велат дека за секојдневни пригоди, штиклата не треба да биде повисока од 4-6 cm, за да не го оптоварувате ‘рбетот.

• Обрнете внимание на растојанието помеѓу штиклата и ѓонот (плутата). Колку е повисока штиклата, толку ќе биде помало растојанието, а растојание од 6 cm се смета за безбедно за стапалото да биде стабилно.

Идеална висина за вечерни штикли

За посвечени пригоди или излегувања, може да си дозволите повисоки штикли од 4 cm, но за да ја добиете оптималната висина на штикла за вас, ќе треба да земете неколку мерки и да пресметате.

• Прва опција: измерете ја висината на вашето тело и должина на нозете од колк до стапало, а потоа пресметајте според следната формула: [(висина / должина на нозе) – 1.61] * 10 = идеалната висина на штикла за вас.

• Втора опција: седнете на столче и испружете ја едната нога напред, но не го виткајте стапалото. Измерете го растојанието од петата до табаните, како на сликата. Добиената мерка ќе биде еднаква на висината на идеалната штикла за вас за стапалото да паѓа природно.

Бонус совети

Големина

Многу девојки купуваат помал број или број кој целосно соодветствува на стапалото бидејќи така мислат дека ќе им биде поудобно, но всушност, подобро е да одберете еден број поголем за да не ве стегаат, плус да имате можност да додадете силиконски влошки.

Материјал

Чевлите кои се направени од вештачки материјали, по правило, многу потешко ја следат природната линија на стапалото и прстите, па затоа се создаваат искривувања и деформација на стапалата и прстите.

Позиција на штиклата

Штиклата не треба да биде позиционирана навнатре или нанадвор, туку треба да оди рамно надоле, па бидете внимателни уште додека сте во продавница и проверете дали при одење се изместува.

М. М. | Црнобело