Бунтовнички со сина крв: Принцези кои ги менуваат модните правила

Војвотката Кејт Мидлтон не е единствената дама од кралските дворови која поставува нови модни стандарди низ светот.

Зборот „принцеза“ асоцира на женствена и нежна дама со долг, балски фустан и прекрасна коса. Но, стилот на принцезите низ светот е драстично променет во последниве години, па така оваа асоцијација не е секогаш точна.

Овие принцези со својот смел и уникатен стил на облекување ги менуваат строго наметнатите модни правила и претставуваат инспирација за сите модно освестени дами низ светот:

Сириванавари Нариратана

Принцезата од Тајланд уште како дете изразувала интерес за модата, а во 2007-ма Пјер Балмаин ја поканил на ревија на која се претставила со своја колекција Presence of the Past. Препознатлива е по својот етно-стил и е честа гостинка на светските модни ревии.

Шарлин, Принцезата од Монако

Шарлин порано била првак во пливање, а во 2011-та се омажи за Принцот Алберт II од Монако. Вниманието го привлече благодарение на нејзиниот еклектичен стил и парчиња кои доаѓаат директно од модните писти на најпознатите дизајнери.

Шарлот Касираги

Миленичката на дизајнерите е секогаш актуелна во модниот свет, а не е ни чудо бидејќи стилот го наследила од својата баба, Принцезата Грејс Кели. Шарлот е вистинска дама, и кога е дотерана во свечен фустан, и кога носи фармерки.

Дина Алџухани Абдулазиз

Принцезата од Саудиска Арабија не се вклопува во најстрого наметнатите модни правила на оваа земја. Таа не носи бурка и хиџаб, туку има кратка коса, носи отворени сандали и голи рамена. Сопственичка е на бутик и има изострено око за модата.

Клотилд Куру

Наградуваната актерка на црвениот тепих се појавува и како уметник, и како претставник на кралското семејство во Венеција. Со оглед на тоа што е Французинка, Клотилд негува женствен и елегантен стил со многу долги фустани и здолништа.

М. В. | Црнобело