Што нема никогаш да најдете во плакарот на една парижанка?

Парижанките се познати како кралици на добриот стил и заведувањето.

Без оглед на тоа што ќе облече, каде ќе оди или со кого ќе ја мине вечерта, шик парижанката секогаш го избира она што најмногу ѝ прилега.

Нејзината главна тајна е суптилноста и природноста. И тоа знае како најдобро да го искористи.

Што нема никогаш да најдете во плакарот на една парижанка?

Сурово искрениот одговор го пронајдовме во светскиот бестселер „Како да бидеш парижанка, каде и да си“, (достапна и на македонски јазик во издание на „Полица“), кој открива дека една вистинска дама од Париз по никоја цена нема да облече:

• Чевли на средна потпетица. Зошто би го живеела животот половично!?
• Лого на некоја фирма. Па таа не е рекламна табла.
• Најлон. Синтетика. Вискоза. Винил. Кога носиш вакви материјали, се потиш и светиш истовремено. Не само што мирисаш, туку и сè се познава.
• Тренерки. Ниеден маж не смее да те види во тренерки. Освен твојот фитнес-инструктор. Па дури ни тој.
• Фармерки од последната мода, намерно искинати или со разни шари. Ваквата облека е одлична, ама во Боливуд.
• Крзнени чизми „UGG“. Едноставно, не.
• Маичка до папок. Затоа што повеќе немаш петнаесет години.
• Фалсификувана дизајнерска чанта. Затоа што е исто како да имаш лажни гради, а комплексите не се лекуваат со копии на модни брендови.

М. А. | Црнобело