Комбинезоните се враќаат и оваа пролет

На модната сцена се враќа едно од најпопуларните парчиња облека, но со нешто поинаков изглед. Оваа пролет, полн погодок се комбинезоните со необични дезени и кроеви.

Доколку (про)летните фустани не се наоѓаат на вашата листа за омилени модни комбинации, а не сакате сончевите денови да ги поминете во маица и фармерки, тогаш убавиот комбинезон е совршениот компромис.

Удобни и женствени, комбинезоните се одличен избор за секакви прилики: од попладневна кафе-средба со пријателките, деловни состаноци, па сè до ноќни излегувања и прослави.

Сè зависи од моделот и начинот на кој ќе го стилизирате. Пред да помислите дека е преедноставен за ваш вкус, знајте дека со внимателно избрани детали, за миг можете да го трансформирате во парче со кое нема да останете незабележани на градските улици.

Од галеријата во продолжение, погледнете што сè има во актуелната понуда на познатите модни брендови. Подготвени ли сте да го збогатите вашиот гардеробер со уште еден нов „миленик“?  

• 
• 
• 
• 
• 
• 
• 
• 
• 
• 
• 
• 
•  

М. А. | Црнобело