Детали на кои треба да обрнете внимание кога купувате чанта – прават да изгледа „евтино“
Непријатен мирис и конци што висат – на кои ситници да обрнете внимание кога купувате чанта, дури и поевтин модел?
Повеќето не можат да си дозволат скапи брендирани чанти, но не мора да платите мало богатство за да имате убав модел.
Дури и евтините чанти можат да бидат добро изработени и да изгледаат убаво.
Но, сепак, потребно е да обрнете внимание на некои ситници.
6 детали кои прават чантата да изгледа „евтино“:
Непријатен мирис
Непријатниот мирис значи дека чантата е изработена од навистина лоши, па можеби и опасни материјали.
Истовремено, може да значи дека не била складирана добро, па „впила“ мирис од складот или нешто друго.
Која и да е причината, ако чантата мириса непријатно, немојте да ја купувате.
Конци што висат
Поевтините чанти не се изработени рачно и секако дека шевовите нема да им изгледаат добро како на скапите брендирани модели.
Но, ни на евтините чанти не треба да има конци што висат.
Ова не само што изгледа лошо, туку е знак дека чантата набрзо ќе се распадне.
Лошо сошиени прерамки
Кога купувате чанта, добро проверете и како се сошиени прерамките.
Ако и овде висат конци или има многу малку шевови, чантата не само што нема да изгледа добро, туку и прерамките може да се скинат многу брзо.
Несоодветни детали
„Кич“ декорации, контрастни конци – ова се ситници кои прават чантата да изглед „евтино“, без разлика колку сте ја платиле.
Лошо склопени делови
Постава во внатрешноста која е преголема и истуткана, лошо сошиен патент, криво сошиени прерамки... Ваквите детали прават чантата да изгледа „евтино“.
Чантата е премногу лесна
Ако чантата е премногу лесна, тоа значи дека е изработена од многу неквалитетни материјали и брзо ќе се уништи.
Спирова С. | Црнобело
Би можело да ве интересира:
![](https://www.crnobelo.com/media/com_jvrelatives/images/thumbs/com_content_108285_400.jpg)
![](https://www.crnobelo.com/media/com_jvrelatives/images/thumbs/com_content_107642_400.jpg)
![](https://www.crnobelo.com/media/com_jvrelatives/images/thumbs/com_content_105085_400.jpg)
![](https://www.crnobelo.com/media/com_jvrelatives/images/thumbs/com_content_109276_400.jpg)
![](https://www.crnobelo.com/media/com_jvrelatives/images/thumbs/com_content_107340_400.jpg)
![](https://www.crnobelo.com/media/com_jvrelatives/images/thumbs/com_content_110298_400.jpg)