4 грешки кои ве прават постари од она што навистина сте

Кога станува збор за разубавување секогаш правиме сè што е во наша моќ да изгледаме свежо и младолико, но што со гардеробата која ја одбираме?

Често жените сакајќи да ги сокријат недостатоците посегнуваат по гардероба која за сметка на недостатоците ги покачува годините. Затоа ви посочуваме неколку грешки кои жените често ги прават, без да сфатат дека така изгледаат многу постаро од она што се.

Премногу црно

Црното покрај тоа што ги сокрива недостатоците, ја истакнува бледата кожа која неминовно си доаѓа со годините.

Решение:

Црните парчиња облека комбинирајте ги со бел аксесоар, како марама или накит за да кожата не ви изгледа бледа.

Погрешен градник

Носењето на градник кој е испакнат на непотребни места не создава убав изглед. Градник со погрешна големина ќе направи вашите гради да ви изгледаат премногу опуштено.

Решение:

Набавувајте нови градници. Градникот треба да е закопчан на првите копчиња, кога ќе се појави потреба за закопчување на последните тоа е знак дека ви е потребен нов градник.

Ролки

Блузите и џемперите со ролки се одлични за во зима, но не претерувајте со нив. Со често носење на ролка оставате впечаток дека сакате нешто да сокриете

Решение:

Обидете се со блузи со благо деколте и додадете некое интересно ланче или марама со која ќе го одвлечете вниманието од недостатоците на вратот.

Премногу широкa облека

Знаеме дека е премногу удобна, но трудете се да не ја носите пречесто. Облеката која ви се по мерка не значи дека ви е тесна, туку дека ќе ви ги истакне вашите атрибути.

Решение:

Одбирајте палто по мерка со пократок раб и блузи кои можете да ги прицврстувате со ремен.