Девојки, чувствувајте се удобно во високи потпетици

Сигурно вашиот гардеробер е преполн со високи потпетици, но јасно е дека не сите од нив ги носите секојдневно и тоа поради една едноставна причина- удобноста. Високите потпеци се често неудобни и предизвикуваат болки во нозете.

Време е да заборавите на неудобноста и почнете да уживате носејќи високи потпетици:

Одбирајте соодветно

Доколку барем малку ве стегаат при пробата, најдобро е воопшто да не ги купите. Уште пред да попушти материјалот вие веќе ќе имате рани. Па, затоа одберете соодветен пар и заборавете на оние прекрасни еден број помали високи потпетици, веројатно ќе ги облечете еднаш и никогаш повторно.

Загрејте се

Исто како пред да правите некоја спортска активност, загрејте ги вашите прсти на нозете пред носењето високи потпетици. Правете вежби со тоа што ќе се поткревате и спуштате на прсти неколку пати.

5 минути пауза

Секогаш пронајдете начин да одморите од високите потпетици. Соблечете ги барем на 5 минути и ќе можете подолго да издржите.

Превентива од лизгање

Особено движењето по плочки може да заврши катастрофално. За да не се излизгате, секогаш можете да го изгребете малку долниот надворешен дел од вашите високи потпетици и тоа ќе ги направи рапави.

Избегнувајте шпиц

Чевлите кои завршуваат со шпиц изгледаат секси, но пожелно е да ги избегнувате. Особено ако имате широки стапала нема да издржите долго во нив.

Иако високите потпетици се задолжителен дел од гардеробата на секоја жена, покрај убавиот изглед тие може да создадат и голема главоболка доколку се неудобни. Секоја жена досега ја искусила неудобноста на високи потпетици.