Брзи утрински навики за поубав изглед

За убав изглед најважни се времето и трудот кој ќе го вложите за нега. Но, понекогаш не е потребно многу време за да изгледате свежо и убаво.

Ви откриваме неколку навики кои ќе ви одземат 20 секунди, а ќе направат чудо за вашиот изглед.

Мирис на цитрон – Ако вашата спална соба мириса на цитрон, брзо ќе се разбудите. Освен тоа, цитроните го намалуваат стресот и го поттикнуваат зајакнувањето на имунитетот.

Чаша вода – Хидратацијата е важна за здрав и убав изглед на кожата. Посветете повеќе внимание на хидратацијата и денот започнете го со чаша млака вода.

Протеини – Јајца, житарки или јогурт се идеален избор за појадок. Со мала количина може брзо да се заситите и тоа да ве одржи подолг период во денот.

Освежување – Во шише за распрскување сипете минерална вода и оставете го во фрижидер. Секое утро испрскајте го лицето за да ја поттикнете циркулацијата и побрзо да се разбудите.