„Имав утрински секс со сопругот цела недела – што се случи?“ (18+)

Родителите на мали деца знаат колку е тешко наутро да се најде време да се завршат сите обврски пред да излезат од дома, па најголемиот дел од нив воопшто и не помислуваат на секс. Но, дали утринскиот секс навистина може да биде добар и да резултира со поголемо зближување меѓу партнерите?

Моли Проктер од Обединетото Кралство е вработена мајка на три деца која го споделува своето искуство за тоа што се случило откако со сопругот одлучиле да имаат секојдневен утрински секс во период од една недела.

Нејзината исповед ја пренесуваме во целост:

„Јас сум „ноќна птица“ и никогаш не ми била возбудлива идејата за утрински секс. Вообичаено нештата не се подгреваат со мојот сопруг Џек сè додека не падне ноќ, а мене искрено наутро ми е потребно да поминам колку може повеќе време во кревет.

Но, со оглед на тоа што имаме три деца и кариери, акцијата – односно недостатокот на акција во спалната соба стана нешто вообичаено. Со обид повторно да ги разгорам страстите си поставив предизвик: сакав да имаме секс секое утро во период од една недела.

Иако оваа цел ја поставив со цел да ја зацврстиме врската, тоа не е единствената придобивка. Сексот во кој било период од денот е добар за вас, дел од истражувањата го поврзуваат со подобрување на имунитетот и на меморијата, меѓу другото. Но, доколку утрото го започнувате со „акција“ ќе забележите голем број придобивки.

Која било активност што предизвикува задоволство наутро кај вас придонесува за зголемено лачење на хормонот кортизол, и помага убаво да го започнете денот и да бидете расположени во текот на целиот ден. Дополнително, наутро телата и кај мажите и кај жените се природно возбудени за секс.

Во недела вечер го наместив алармот да ѕвони во 6.30 часот наутро. Откако се разбудив, почнав да го милувам сопругот, што на мое задоволство, нè одведе до секс, но пост-сексуалното чувство на задоволство беше прекинато во мигот кога слушнав дека децата се будни и истураат житарки.

Следното утро исто така беше успешно. Вообичаено ми треба долга предигра, па иако претходно мислев дека тоа што сме кратки со време (немаме време за сè што треба да направиме пред да излеземе од дома) само ќе ми го зголеми нивото на стрес, всушност целото искуство имаше спротивен ефект.

Но, успехот од првите два дена не траеше. Во вторникот морав да останам до доцна затоа што се подготвував за важен состанок и кога се разбудив следното утро во 6 и 30 се чувствував исцрпено и незаинтересирано за секс.

Но, кога се вратив дома, дознав дека Џек се договорил мајка му да ги причува децата.

Нарачавме храна, гледавме филмови на Netflix и имавме одличен секс и нашата ненадејна романтична вечер всушност само ме потсети зошто на прво место и си поставив ваков предизвик: за да се зближам повторно со Џек.

Сега сфаќам дека мојата секојдневна „секс цел“ не соодветствуваше со нашите брзи животи, но ни помогна да бидеме поупорни и помотивирани за да го подобриме сексуалниот живот.

Во петокот, ќерката се разбуди со кошмар и целата вечер ја помина во нашиот кревет. Но во саботата, направивме нешто што не сме го направиле претходно: откако ги однесовме децата на нивните спортски активности, заборавивме на домашните обврски и се вративме во кревет.

Сега кога знаеме дека може да најдеме време за да имаме секс неколкупати неделно, тоа само ни даде одредена цел кон која се стремиме: не за да постигнеме одредена бројка, туку за да останеме поврзани.

Наместо да стане уште една обврска – од што искрено се плашев – сексот стана нешто на што се радувам и направи да се чувствуваме поповрзани за време на работната недела кога вообичаено не сме премногу присутни.“

Б. С. Б. | Црнобело/ Фото: freepik.com