Предупредувачки знаци и фрази што не треба да ги игнорирате на почетокот од врската

Се вели дека љубовта е слепа, а очигледно има некоја вистина во оваа изрека.

Сите настојуваме да ги занемариме недостатоците на нашите сакани, но постојат ситуации во кои не би требало да го правите тоа.

Причината е што некои однесувања на почетокот од врската можат да станат вистински проблеми подоцна. Па, на крај ќе останете со скршено срце и ќе ви биде криво што сте потрошиле толку време со погрешна личност.

Во продолжение погледнете ги предупредувачките знаци што никако не смеете да ги игнорирате на почетокот од врската:

Партнерот сè уште мисли на бившиот

Кој би сакал да биде во врска со личност која сè уште не го преболела бившиот партнер?

Имајте на ум дека во ваква ситуација, ќе мора постојано да се натпреварувате со оваа личност, а и секогаш постои ризик партнерот да ве остави за неа.

Доколку сепак сакате да бидете заедно, прво дајте му време да размисли за своите чувства и вистински да го преболи поранешниот партнер.

Постојано се жали за поранешните партнери

Секој се нашол во токсична врска, но доколку вашиот партнер има историја само со вакви врски, можеби проблемот е во него.

Најверојатно и вие ќе се најдете на неговата листа со „луди бивши“ и сигурно постојано ќе бидете под стрес.

„Мислам дека бракот нема смисла“

Кога некој ќе го каже ова, тоа значи дека сигурно не планира да стапи во брак. А бидејќи мислењето на возрасните се менува тешко, важно е да бидете на иста страна кога станува збор за брак.

Доколку и вие го мислите истото за бракот, тогаш е во ред. Но доколку еден ден сакате да се венчате, веројатно не треба да си го трошите времето.

„Кога сум гневен/на, викам и кршам. Не можам да се контролирам“

Ова е фраза што не смеете да ја игнорирате. Ова значи дека вашиот партнер е емоционално нестабилна личност и дека не може да се контролира.

Најверојатно ќе бидете изложени и на физичко и психичко малтретирање, без разлика колку мислите дека можете да му помогнете.

Продолжува на следната страница...