Што не треба да правите веднаш после секс?

Иако после секс никој не сака да има други обврски, сепак кога станува збор за здравјето, мора да внимавате на некои работи.

Не смеете да заборавите на одржување на хигиена и не треба да правите некои работи кои можеби досега ви биле навика.

Веднаш после сексот, дури и ако се чувствувате уморно, поспано или сакате само да уживате на свој начин, треба да обрнете внимание на неколку „правила“.

Што не треба да правите веднаш после секс за да го одржите телото здраво:

Не треба да заборавате да одите во тоалет за да го намалите ризикот од инфекции

Иако можеби не е секси после секс веднаш да трчате до тоалет, сепак празнењето на мочниот меур е многу важно заради тоа што сексуалната активност може да ги турне бактериите подлабоко што предизвикува инфекции.

Слободно истуширајте се, но избегнувајте бања во претопла вода

Во ред е да се туширате после секс, но избегнувајте го уживањето во жешка купка, бидејќи топлината може да ја иритира кожата на гениталиите.

Не користете парфимирани и мирисливи производи на гениталиите

Овие производи исто така може да ја иритираат кожата на гениталиите, па најдобро е да се избегнуваат, посебно веднаш после секс, па практикувајте само млака вода без употреба на други хемикалии.

Не ги кревајте секс играчките без темелно да ги исчистите по употреба

Доколку сте од оние кои сакаат да го збогатат сексуалниот живот со секс играчки, по употребата, исто како што вие го миете вашето тело, така треба да ги измиете и нив пред да ги вратите на место, но и за нив не користете производи со хемикалии, мириси и слично.

Не облекувајте тесна долна облека или било каква тесна облека по секс

Бидејќи често има вишок телесни течности, а триењето предизвикува ширење на бактериите насекаде, дозволете му на телото да дише слободно и природно да се исчисти, па не го затегајте со тесна облека.

Не го фаќајте веднаш телефонот

Иако овој совет не се однесува на здравјето, сепак практикувајте после сексот да го искористите тој краток период да се зближите интимно и поврзете, а не веднаш да станувате или да се фаќате за телефонот и телевизорот.

М. М. | Црнобело