Работи кои не смеете да ги кажете пред вашиот шеф

Ако сакате да ја задржите вашата работа, тогаш овие реченици никогаш не смеете да ги изговорите пред вашиот работодавец. На работното место,секогаш мора да покажете почит пред оние кои се над вас. Можеби вашиот шеф ви дозволува да имате пријателски однос, сепак поставете некои граници и внимавајте што точно изговарате при разговорите.

Никогаш не се заканувајте дека ќе најдете друга работа

Доколку си ја сакате работата, тогаш не велете така. Дури и да сте биле нервозни и лути вашиот директор нема да ја заборави оваа ваша реченица и со сигурност ќе ви најде замена.

Не велете дека ќе дадете отказ

На тој начин повторно работното место ќе ви виси на конец. Особено доколку ова го велите во текот на некој голем проект само ќе влеете недоверба за вашата одговорност кон местото во кое работите.

Заборавете на пцовките

Од моментот кога ќе зачекорите, па сè до завршување на работното време заборавете на пцовките. Избројте до 10, вдишете длабоко и не дозволувајте да се изразувате погрдно.

Дискриминација?

Во ниеден случај не смеете да си дозволите да дискриминирате. Не се вклучувајте во темите од типот политика или религија, никогаш не знаете што точно мислат другите, особено вашиот шеф.

Не велете ништо што би можело да покаже дека имате лош став

Мислењето дека компанијата е неодговорна или не е вредна задржете го за себе. Не кажувајте дека нешто не може да биде завршено, едноставно премолчете и потрудете се да ги подобрите работите во компанијата. На тој начин вашето работно место ќе биде сигурно.