Каде ви е велосипедот?

Сигурно во подрумот или гаражата, нели? Денес е вистинското време да илезе од таму и конечно да ја избришете од него прашината која ја собирал долго време.

Кога бил последниот пат кога сте возеле велосипед?

Доколку одговорот е одамна, денес променете го. Верувајте дека ќе се почувствувате поенергично во истиот момент, а еве и зошто:

Ќе го искористите денот максимално

Денот е сончев а вие размислувате дали ќе останете цел ден во кревет или ќе излезете на кафе со пријателите. Тоа го правите постојано, па затоа за промена земете го велосипедот и искористете го денот максимално. Така ќе бидете сами и ќе си посветите време на себе.

Ќе ги зацврстите мускулите

Доколку сте премногу мрзеливи да отидете во теретана или да трчате секое утро, велосипедот е вистинското решение за вас. Во текот на денот, зависно од вашето слободно време одвојте барем еден час за да ги зацврстите вашите мускули со вртење на педалата.

Ќе ја спасите планетата

Кога возите велосипед вие ја заштитувате планетата од загадување. Денес бидете хумани кон неа и наместо со вашата кола одете на посакуваната дестинација со велосипедот.

Ќе поминете квалитетно време со партнерот или пријателите

Доколку сте од оние личности зависни од други луѓе и не сакате да бидете сами, возењето велосипед со вашиот партнер, пријатели или семејството е одличен начин да поминете квалитетно време со нив и да го зацврстите вашиот однос на поинаков начин.

Сексуалниот живот ќе ви стане подобар

Освен што ќе ги зацврстите мускулите, ќе ја подобрите и кондицијата, но онаа во креветот. Енергијата која ќе ја добиете со возење на велосипед сигурно ќе ја искористите во сексот. Верувајте дека добро ќе ви дојде вас и на вашиот партнер!

Ќе заштедите пари

Возењето на велосипед му се допаѓа и на вашиот паричник. Парите кои секојдневно ги трошите на бензин или такси денес потрошете ги на некоја ситница што ве прави среќни.

Ќе се чувствувате среќно!

Во моментот кога ќе се качите на велосипед и ќе ја искористите првата удолнина на патот без да вртите на педалите, вие ќе се почувствувате среќно и слободно. Се сеќавате ли на тоа чувство од детството?