Фотограф „уловил“ редок жолт пингвин: Ги има 1 на 146.000 (фото)

Природата постојано нè изненадува со своите нови видови. Пингвините се препознатливи по својот црно-бел изглед – како да носат смокинг. Но, дали сте знаете дека постојат и жолти пингвини?

Yves Adams од Белгија е фото репортер кој во 2019-та бил на двомесечна експедиција во Јужниот Атлантик. Групата застанала на островот Јужна Џорџија за да фотографира колонија кралски пингвини.

Додека ја подготвувале опремата Adams забележал дека има еден поинаков, жолто-бел пингвин.

Ова не е првпат да биде забележан жолтиот вид, но овој вид пингвини веројатно е првпат регистриран на фотографија.

Жолтата боја е резултат на леуцизам – состојба која се појавува кај темните животни при губење на дел од пигментацијата. За разлика од албинизмот, нема влијание на бојата на нивните очи и тие не стануваат црвени.

Овој пингвин не генерира меланин. Процената е дека леуцизмот се јавува кај 1 на 20.000 до 146.000 пингвини. Така што токму овој кој бил во колонијата од 120.000 пингвини – се вклопува во овие статистики.

Извор