Позитива на денот: Напуштено маче, старо 24 часа, пронајде семејство во засолниште (фото)

Од напуштено маче тешко само 85 грама до здраво маче дел од среќно семејство... Ова се оние приказни кои го топлат срцето.

Во Велика Британија било најдено маче покрај пат додека пеколното сонце му предизвикувало изгореници. Се верува дека било старо само 24 часа кога луѓе го пронашле како „плаче“ за помош и го однеле во засолниште.

Тежело само 85 грама и имало уникатна боја на крзно. Му го дале името Џени.

Но, таа уникатна боја всушност најчесто настанувала како резултат на состојба која се случува за време на бременоста на мачката-мајка, каде таа е болна поради некоја инфекција или пак при голем стрес при бременоста. Шареното крзно е резултат на тоа што пигментите не биле соодветно распоредени и поради тоа делови од крзното се сиви, кремави, па дури и црвени.

Сега Џени има 8 недели и во засолништето си пронајде ново семејство мачки.

Мелиса, сопственичката на ова засолниште, две недела ја чувала Џени во инкубатор и ја хранела со шприц.

Потоа, една мачка која имала свои мачиња ја прифатила Џени како своја.

С. С. | Црнобело