Најскапите домашни миленици во светот

Ако сакате животни, а не можете да си дозволите да купите, секогаш можете да вдомите. Но, од друга страна, погледнете што можете да си дозволите, ако буџетот за миленик ви е неограничен.

Ова е списокот на неколку домашни миленици, за кои нивните сопственици платиле цело богатство за да ги поседуваат:

1. Померанско куче

Најмалиот померан на светот се вика Amazing и чини 13 илјади долари. Тежок е 340 грама, а висок нешто повеќе од 6 сантиметри. Горда сопственичка на померанот е популарната Париз Хилтон.

2. Бенгалска мачка

Оваа мачка е еден вид на комбинација од изгледот на азиската леопардска мачка која има темперамент на припитомена семејна мачка. Една ваква мачка е продадена во Лондон во 1998 година за 41.000 долари.

3. Тибетски мастиф

Во месец март, оваа година е продадено најскапото куче на светот. Истиот е купен на саем за домашни миленици за неверојатни 1,95 милиони долари. Во Кина се верува дека овој миленик им носи среќа и здравје на сопствениците, па затоа тибетскиот мастиф е симбол на богатите Кинези.

4. Златен ретривер

Но не било каков ретривер. Овој вреди 155 илјадни долари, а причината за тоа е што тој е клониран. Првото куче од истата фамилија на кучиња умрело од рак. Тогаш сопствениците одлучиле да го клонираат.

5. Крава

Госпоѓица Миси е најскапата крава во светот вредна 1,2 милиони долари. Во 2009 година таа освоила прво место на едно од најпознатите светски натпревари за животни, а за да ја задржи, нејзината сопственичка го платила тој износ.

6. Коњ

Станува збор за коњот по име Грин Манки, кој бил продаден уште како ждребе за вртоглави 15 милиони долари. Тој е потомок на два коња, кои го освоиле престижниот Кентаки Дерби. Сепак, тој досега не освоил ниту еден натпревар.