Пријателството кое му го спаси животот на агресивниот германски овчар

Германскиот овчар Рекс е кутре од прифатилиште кој заради својата агресивност бил на работ на еутаназијата. Одбивал да се храни, а често пати и напаѓал случајни минувачи. Меѓутоа, едно пријателство засекогаш го промени неговиот живот.

За хранење на Рекс секогаш биле потребни двајца – една личност која ќе му го одвлекува вниманието, додека другата му ја подава храната во куќарката.

Бил агресивен и опасен, заради што сопствениците на прифатилиштето размислувале за еутаназија.

Тогаш, сосема неочекувано, Рекс ја запознал Џералдина, гуската која го промени и спаси неговиот живот.

На почетокот сите биле исплашени да не ја нападне. Луѓето биле скептични и убедени дека Рекс нема да се спријатели со ниту едно животно, а најмалку со Џералдина.

Сега, спротивно од сите верувања, Рекс и Џералдина се неразделни. Таа спие во неговата куќичка, па дури и јаде од неговата храна.

- Забавно е да ги гледате по цел ден. Таа трчка околу него, но и тој не оди никаде сам. Инаку постојано ги бркаше сите животни околу себе, ова пријателство е нешто поразлично, - раскажуваат од прифатилиштето.