Кој е Ендру Тејт, контроверзниот инфлуенсер што отворено ги мрази жените и е обвинет за трговија со луѓе и силување?

„Жените не знаат да возат“, „мажите треба да изневеруваат“ и „18-годишните девојки се најпривлечни“ се само дел од контроверзните изјави на 36-годишниот Ендру Тејт – инфлуенсерот кој моментално е во притвор поради сомнение за трговија со луѓе и силување.

Ендру Тејт е поранешен кикбоксер и познат британско-американски инфлуенсер кој сака да се фали со парите, но и да ги деградира жените во неговите објави бидејќи е цврсто убеден дека се многу „подолни“ од мажите.

Всушност, поради неговите контроверзни ставови за жените и говорот на омраза насочен кон нив, Ендру е баниран од неколку социјални мрежи.

Тој тврди дека жените не можат да возат, мажите имаат дозвола да ги изневеруваат нивните девојки и сопруги, па дури и дека 18-годишните девојки биле многу попривлечни бидејќи имале помалку сексуални партнери.

Тој е познат и како „крал на токсичната мажественост“, а онлајн споделува видеа со совети за заработување многу пари и флертување со девојки, насочени кон млади мажи.

Моментално Ендру се наоѓа во притвор во Романија поради сомнение за учество во трговија со луѓе и силување.

Па, кој е Ендру Тејт и како стана една од најконтроверзните познати личности?

Ендру Тејт е роден во декември 1986 година, во Вашингтон. Мајка му работела како асистент за кетеринг, додека татко му бил меѓународен првак во шах.

Тој има и брат по име Тристан, кој исто така се сомничи за учество во трговија со луѓе.

По разводот на родителите, Тејт, заедно со брат му и мајка му, се преселил во Англија, а во детството покажал дека го наследил талентот на татко му и се натпреварувал во првенства за шах за возрасни.

Во 2005 година, Ендру почнал да тренира кикбокс и други боречки вештини, а до 2009 година веќе беше прогласен за еден од најдобрите кикбоксери во Европа.

Во 2016 година, Ендру гостуваше во британската верзија на популарното реално шоу „Големиот брат“, а овде почна да привлекува внимание со неговите контроверзни ставови.

Овој период Ендру споделуваше расистички и хомофобични твитови, поради што продуцентите на шоуто беа на мета на критики. Па, инфлуенсерот беше избркан од шоуто по само шест дена.

Продуцентите изјавија дека виделе како удира една од учесничките со колан, па поради тоа решиле да го избркаат.

Наводно, по инцидентот била започната истрага, која беше затворена во 2019 година, без никој да биде осуден.

Ендру тврди дека почнал да заработува милиони со помош на брат му и многу лаги.

Наводно, Ендру и Тристан најмиле околу 75 девојки кои ги раскажувале нивните тажни животни приказни пред веб-камера.

Клиентите биле мажи кои плаќале за да ги слушаат приказните на девојките, кои всушност биле лажни. Истовремно, девојките нуделе порнографска содржина, и на тој начин изнудувале пари од мажите.

Потоа Ендру направи и платформа – Hustler’s University – на која нуди совети за заработка со криптовалути и слично. Претплатата на платформата чини 50 долари месечно.

Продолжува на следната страница...