Ноќен клуб ги исфрла гостите кои зјапаат во други посетители – потег за пофалба или претерано чепкање по приватноста?
Австралиски ноќен клуб наречен „Клуб 77“ во Сиднеј преку Инстаграм објави дека ќе го избрка секој посетител – гостин кој зјапа во друго лице без заемна „вербална согласност“.
Kлубот ги објави новите правила во објава на Инстаграм, со цел да го направи местото побезбедно.
Во продолжение дел од објавата:
„Создавањето безбеден простор оди подалеку од праксата за справување со инциденти откако ќе се случат. Исто така, имаме обврска да ги едуцираме новите посетители на клубот и да им помогнеме да разберат што се смета за неприфатливо однесување, внатре во местото и на подиумот.
Како ноќен клуб, ве охрабруваме да комуницирате со странци, но секој контакт МОРА да започне со усна согласност Ова важи и ако, на пример, гледате во некого оддалеку. Ако вниманието што го посветувате некому е несакано, тоа се смета за вознемирување.
Секоја вечер, еден од нашите чувари во клубот ќе биде назначен за „Службеник за безбедност“ и ќе биде препознатлив по розовиот елек. Тој ќе биде обучен да се справи со поплаки и проблеми. Ако ве вознемирува друго лице или добивате несакано внимание, побарајте го или веднаш кажете му на нашиот персонал.
Доколку добиеме пријави за какво било однесување што предизвикало некој да се чувствува непријатно, пријавениот ќе биде отстранет од местото и ќе биде повикана полиција.
Ова го правиме за сите да се чувствуваат безбедно и да се осигураме дека на нашите посетители им е удобно да му пристапат на персоналот, доколку нешто направило да се почувствуваат непријатно или небезбедно“.
Објавата доби многу позитивни коментари од следбениците, кои се заблагодаруваа на грижата и на посветеноста, а особено на тоа што се грижат за безбедноста на посетителите.
„Благодарам што ја зголемивте безбедноста“, „Особено ми се допаѓа идејата за службеник“ – се дел од коментарите под објавата.
Што мислите: Дали нивната грижа е основана и е за пофалба, или пак можеби станува збор за претерано „нуркање“ во приватноста на посетителите?!
Би функционирало ли ова кај нас?
Мила М. | Црнобело
Би можело да ве интересира:
Препорачуваме
Најчитани неделава
