Зошто е благослов да имате пријатели на работа?

Знаете дека на работа некој ве сака и се грижи за вас. Ви ги разбираат проблемите и фрустрациите - понекогаш е тешко да доловите на партнерот и семејството со каква ужасна ситуација се соочувате на работа, но пријателите од работа добро ве разбираат.

Не секој има привилегија да работи со луѓето кои му се допаѓаат, па ако вие ја имате таа среќа, тогаш сметајте дека сте благословени.

Пријателствата на работното место не се многу чести, но треба да се обидете да бидат затоа што се одличен начин за разубавување на животот.

Замислете секогаш да имате со кој да се пошегувате на работа или пак да знаете дека има кој да ви го чува грбот ако загусти... Звучи совршено, зарем не?

Зошто пријателите на работа се благослов:

Ви ја прават работата поубава

Рутината на канцеларискиот живот станува подобра кога имате со кој да се пошегувате и забавувате.

Нема да треба да пиете кафе или да јадете сами

Кафето, оброкот или парчето торта секогаш се повкусни во друштво. Се разбира, зачинето со малку трач за шефот или намќорестиот колега.

Знаете дека на работа некој ве сака и се грижи за вас

Секогаш имате со кого да ги споделите своите грижи и проблеми. Без разлика дали станува збор за болката во грбот или новата тешка задача, ќе имате кој да ве ислуша.

Ви ги разбираат проблемите и фрустрациите

Понекогаш е тешко да им доловите на партнерот и семејството со каква фрустрирачка ситуација се соочувате на работа, но пријателите од работа добро ве разбираат.

Сигурно имате Фејсбук група која е неверојатно забавна

Без разлика дали си праќате мемиња или трачарите за драмата на работа, оваа група е постојано активна со пораки, па така никогаш не ви е здодевно.

Ноќните излегувања со нив се најзабавни

Кога излегувате заедно ви е многу позабавно отколку кога сте во канцеларија, па сфаќате дека тие луѓе ви се многу повеќе од само пријатели од работа.

Може да ви станат дури и „семејство“

Кога со некоја личност минувате 40 часа неделно, не е чудно да се случи некоја од колешките да ви стане старосватица или можеби некој од колегите партнер. Но, и да не е така, добивате чувство дека тие се вашето второ семејство.

С. С. | Црнобело