Како да подготвите Сангрија

Сте пробале ли Сангрија? Оние што биле во Шпанија, секако. А оние што не пробале, еве им можност самите да го подготват овој убав пијалак... Како се подготвува?

Потребни состојки

• 50g шеќер

• 4 лажици вода

• 2 праски

• 150ml коњак

• 1 l црвено вино

• 1 лимон и 1 портокал

Постапка за подготовка

Се раствора шеќерот во вода, на оган. Смесата се става во виното, се додаваат лимонот и портокалот исечкани на коцки и коњакот. Се остава 2-3 часа во фрижидер.

Потоа се вади од фрижидер и со рака се цеди лимонот и портокалот, па се прецедува во друг сад. Се лади и пред сервирање му се додаваат резанки праска. Се служи пола-пола со кисела вода или сода со коцки мраз.