Капење во супа од свинско, љубовни хотели: Необични работи кои постојат само во Јапонија

Има многу необичности што треба да се откријат, но кои се најчудните работи во Јапонија? Повеќето работи ќе изгледаат прилично бизарни на почетокот, но по неколку дена, ќе почнете да ги обожавате.

Многупати сме пишувале за кул изумите и необичните работи кои може да се сретнат во оваа напредна земја, но никогаш не е доста од нивното секојдневие. 

Издвојуваме уште неколку необични работи кои ги има во Јапонија, а кај нас се незамисливи:

Чудни игри

Јапонија има многу игри кои се различни и уникатни, но она што им е заедничко на сите е што тие се навистина чудни.

На пример, постои игра наречена „Candy or Not Candy“ во која натпреварувачите треба да пробаат од различни работи за да видат дали се направени од чоколадо или не.

Други пак, вклучуваат страшни ситуации каде што треба да се извршуваат тешки физички задачи.

Капење во супа од свинско месо и рамен тестенини

Јапонија има вековна традиција на традиционални бањи. Не е важно, може да помислите - и другите земји го имаат истото. Но, спа одморалиштето Јунесун во Хаконе му даде уникатен јапонски пресврт на ова искуство.

Замислете го ова: капење во тенџере со супа од свинско месо и рамен тестенини. Зошто би го направиле тоа?

Во последно време луѓето се многу загрижени да имаат убава кожа и го знаат ефектот на колагенот кој го содржи супата од свинско месо.

Звучи чудно, нели? 

Такотамаго

Такотамаго е мал октопод послужен на стапче, со варено јајце ставено во неговата глава. Можеби звучи чудно, но туристите ја обожаваат оваа храна.

Лубеници во облик на коцка

Овие лубеници најпрво биле дизајнирани да се вклопат покомпактно во фрижидерите и полесно да се сечат, но оттогаш тие станале украсни предмети кои можат да чинат и до 160 долари.

Други облици вклучуваат љубовни срца и триаголници, кои се одгледуваат во специјални контејнери и потребни се многу години за да се добие вистинската форма.

Алкатраз ЕР

Островот Алкатраз е остров кој се наоѓа веднаш до брегот на Калифорнија, кој порано бил дом на затвор каде што биле затворени неколку криминалци.

Иако изгледа чудно да се именува ресторан по ова, Алкатраз ЕР во Токио е ресторан кој е навистина различен.

За жал, овој ресторан сега е затворен, но порано туристите навистина го обожавале, бидејќи јаделе во ќелии, а биле послужувани со болничка опрема.

Љубовни хотели

Љубовните хотели нудат двокреветни соби за кратки временски периоди. Повеќето соби се опремени со еротски програми и можности за купување или изнајмување костими.

Одберете ја саканата соба со притискање на едно копче, а потоа плаќајте на прозорецот каде што нема да можете да го видите рецепционерот.

M. Г. | Црнобело