6 работи кои ги правиме, а грешиме (и си го отежнуваме животот)

Грешка: Не обрнуваме внимание на менталното здравје, не се осудуваме да се обратиме кај психолог и бесот и тензијата се трупаат во нас.

Живееме динамично темпо во на моменти „напорен“ свет, па потребно е да направиме сè што е во наша моќ за да си го олесниме животот.

Работи кои ги правиме, а грешиме:

Купуваме само „офлајн“, односно на лице место, наместо да почнеме повеќето работи да си ги нарачуваме онлајн и да заштедиме време и енергија.

Доставата ќе ни биде до дома и нема потреба од носење на тешки ќеси. Се разбира, постојат луѓе кои веќе го практикуваат ова во голема мерка.

Штедиме на клучни работи, како што е квалитетна постелнина на пример, и со тоа си штетиме на здравјето.

Потсетете се само колку голем дел од животот минувате во кревет, плус ако инвестирате во квалитетни парчиња тие ќе ви траат многу подолго.

Не обрнуваме внимание на менталното здравје, не се осудуваме да се обратиме кај психолог и бесот и тензијата се трупаат во нас.

Неприфаќање на фактот дека во одредени мигови е потребна помош од експерт особено важи за постарата генерација.

Правиме сè сами, глумиме херој, не бараме помош од никој и на крајот сме истоштени, нервозни и телото и духот ни се констано уморни.

Не е ништо срамно ако побарате помош од блиските или ако ангажирате човек што е експерт во одредена област и може да ви помогне.

Ги чуваме парите дома „под перница“, наместо да ги уплатиме во банка, па сме под стрес дали се безбедни.

Во банка дефинитивно ќе ви бидат побезбедни, помислете само колку грабежи на станови и куќи се случуваат.

Купуваме парчиња облека наменски за одредена пригода, кои нема да ги облечеме повеќе од еднаш и залудно трошиме многу пари.

Најдобро е да купите парче за кое ќе знаете дека ќе може да го облечете повторно, а ако сакате нешто навистина специфично, тогаш добра опција е изнајмувањето.

С. С. | Црнобело / фото: depositphotos.com